Cambodia

​ការិយាល័យ​ឥណទាន​កម្ពុជា​ចាប់ផ្តើម​បើក​ដំណើរការ​កម្មវិធី​ទូរស័ព្ទដៃ​ដំបូង​បំផុត​នៅ​កម្ពុជា​

​ដោយៈ​សុផល​/​ភ្នំពេញ​៖ជា​ផ្នែក​មួយ​នៃ​បេសកម្ម​ក្នុង​ការដាក់​សេវាកម្ម​បម្រើ​អតិថិជន​ជា​ប្រព័ន្ធ​ឌីជីថល ការិយាល័យ​ឥណទាន​កម្ពុជា (​ហៅ​កាត់ CBC) បាន​បង្កើត​កម្មវិធី​ទូរស័ព្ទដៃ​មួយ ដែល​អនុញ្ញាតឱ្យ​អ្នកប្រើប្រាស់​អាច​ពិនិត្យ​ពិន្ទុ​ឥណទាន​របស់ខ្លួន អាន​របាយការណ៍​ឥណទាននិង​ទទួលបាន​សារ​ដាស់តឿន​អំពី​ការត្រួតពិនិត្យ​ឥណទាន​ ។ នេះ​ជា​លើកដំបូង​បំផុត​ដែល​
​ប្រទេស​កម្ពុជា​នឹងមាន​វេទិកា​ប្រព័ន្ធ​ឌីជីថល​បែប​រួមបញ្ចូល​មួយ​ដែល​ជំរុញ ឱ្យមាន​ពិនិត្យ​សុខភាព​ហិរញ្ញវត្ថុ ការត្រួតពិនិត្យ​ឥណទាន និង ​អក្ខរកម្ម​ហិរញ្ញវត្ថុ​។​

​ប្រធាន​នាយក​ប្រិ​ត្តិ​ប​ត្តិ​របស់​ការិយាល័យ​ឥណទាន​កម្ពុជា លោក អឿ សុធា​រ័ត្ន បាន​មាន​ប្រសា​ស​ន៏​ថា​:“​ការផ្តល់ជូន​ប្រជាជន​កម្ពុជា​នូវ​ចំណេះដឹង​នៃ​ពត៌មាន​ខាង​ឥណទាន​ដែលមាន​ភាព​សុក្រឹត​និង​ទាន់ពេលវេលា​គឺជា​ជំហាន​មួយ​ដ៏​សំខាន់​ក្នុងការ​វិវឌ្ឍន៍​និង​ពង្រឹង​វិស័យ​ហិរញ្ញវត្ថុ​នៅ​ប្រទេស​កម្ពុជា​”​។​

លោក អឿ សុធា​រ័ត្ន ប្រធាន​នាយក​ប្រិ​ត្តិ​ប​ត្តិ​របស់​ការិយាល័យ​ឥណទាន​កម្ពុជា

​លោក​បាន​បន្តថា​: “​របាយការណ៍​ត្រីមាស​ចុងក្រោយ​បំផុត​របស់​យើង​បាន​បង្ហាញថា​កម្ចី​ទិញ​ផ្ទះ​កើនឡើង​ដល់​១៨​ភាគរយ ចាប់តាំងពី​ចុងឆ្នាំ​២០១៩ រហូតដល់ ៤.៧​ពាន់​លាន​ដុល្លារ​សហរដ្ឋអាមេរិក នៅ​ចុងខែ​កញ្ញា​នា​ឆ្នាំនេះ​។ ដូច្នេះហើយ យើង​ត្រូវ​ប្រាកដថា​នៅពេលដែល​ប្រជាជន​កម្ពុជា​កាន់តែច្រើន​ទទួលបាន​ភាព​ចល័ត​ខាង​សេដ្ឋកិច្ច​និង​ការខ្ចីប្រាក់​កាន់តែច្រើន​ដើម្បី​បង្កើន​ផលប័ត្រ​ទ្រព្យសម្បត្តិ​ពួកគេ​ក៏ត្រូវ​បានផ្តល់​ជូន​នូវ​ឧបករណ៍​ដើម្បី​គ្រប់គ្រង​ឥណទាន​របស់​ពួកគេ​ដែល​ប្រកបដោយ​ទំនួល​ខុសត្រូវ​ខ្ពស់​ក្នុង​ការសង​ប្រាក់កម្ចី​។​កម្មវិធី​ទូរស័ព្ទ​CBC​មាន​តួនាទី​ជំរុញ​ការរីកចម្រើន​ប្រកបដោយ​ស្ថេរភាព​និង​ចីរភាព​តាមរយៈ​តម្លាភាព​”​។​

​ជាមួយនឹង​ភាពងាយស្រួល​នៃ​ការប្រើប្រាស់​កម្មវិធី​ទូរស័ព្ទដៃ​CBC​សង្ឃឹមថា​អ្នកប្រើប្រាស់​នឹង​អាច​រក្សាបាន​នូវ​សុវត្ថិភាព​ហិរញ្ញវត្ថុ​ និង ​ទម្លាប់​ល្អ​ក្នុងការ​គ្រប់គ្រង​ឥណទាន​ការរៀបចំ​ចាប់យក​ឱកាស​នៃ​ហិរញ្ញវត្ថុ​និង​បង្ហាញ​ពី​ឥណ ទាន​របស់ខ្លួន​ពង្រឹង​អំណាច​ក្នុងការ​ចរចា​របស់​ពួកគេ​ខណៈពេល​ដែលមាន​ការកែ​លម្អ​ភាពត្រឹមត្រូវ​នៃ​ព័ត៌មាន​ឥណទាន​របស់​ពួកគេ​តាមរយៈ​សេវាកម្ម​ដោះស្រាយ​ជម្លោះ​តាម​ប្រព័ន្ធ​អ៊ីនធឺណិត​។ កម្មវិធី​នេះ​ក៏​ផ្តល់ជូន​នូវ​សម្ភារៈ​សម្រាប់​សិក្សា​និង​ធនធាន​ស្តីពី​ចំណេះដឹង​ផ្នែក​ហិរញ្ញវត្ថុ និង​ព័ត៌មាន​ថ្មីៗ​ពី​ទីផ្សារ​ឥណទាន​និង​និន្នាការ​ដែល​កំពុងមាន​ភាព​ពេញនិយម​ក្នុង​វិស័យ​ហិរ ញ្ញវត្ថុ​ផងដែរ​។​

​អ្នកប្រើប្រាស់​ដែលមាន​សញ្ជាតិ​កម្ពុជា​អាច​ទទួលបាន​របាយការណ៍​ឥណ ទាន​មួយឆ្នាំ​ម្តង​ដោយ​ឥតគិតថ្លៃ​។​សម្រាប់​របាយការណ៍​ឥណទាន​និង​សេវា កម្ម​ជាវ​បន្ថែម​ផ្សេងទៀត​នឹង​តម្រូវឱ្យមាន​ការទូទាត់​តាម​ប្រព័ន្ធ​អ៊ីនធឺណិត​ដោយ​ប្រើ​កាត​វី​សា (Visa) ម៉ា​ស្ទ័​រកា​ត​(MasterCard),JCB,UnionPay​ឬ​កាត​DCI​។​CBC​ក៏​គ្រោង​នឹងដាក់​បញ្ចូល​សេវា​ទូទាត់​បាគង​ទៅក្នុង​កម្មវិធី​ទូរ ស័ព្ទ​របស់​ពួកគេ​ដើម្បី​ជួយ​សម្រួល​ដល់​ប្រតិបត្តិការ​រវាង​ស្ថាប័នហិរញ្ញវត្ថុ​ជាច្រើនជាមួយ​ការទូទាត់​ប្រតិបត្តិការ​ជា​ប្រាក់រៀល​។​

​ចាប់តាំងពី​ឆ្នាំ២០១២ការិយាល័យ​ឥណទាន​នៅ​កម្ពុជា​បាន​ក្លាយខ្លួន ជា​អ្នក​នាំមុខគេ​ខាង​ផ្តល់​សេវាកម្ម​ផ្នែកព័ត៌មាន​ហិរញ្ញវត្ថុ​ដំណោះស្រាយ​វិភា គ​និង​សេវាកម្ម​រាយការណ៍​ពី​ឥណទាន​ទៅដល់​ស្ថាប័នហិរញ្ញវត្ថុ​និង​អ្នកប្រើប្រាស់​ជាច្រើន​នៅក្នុង​ព្រះរាជាណាចក្រ​កម្ពុជា​៕Ph

ទីតាំងផ្សាយពាណិជ្ជកម្ម

Football news:

Andrea Pirlo: In my 1st season at Juve, we were behind Milan, but we took the title. Everything depends on us
The judge made two mistakes. De Gea was pushed and there was no foul on our cancelled-out goal. Solskjaer on the loss to Sheffield
Maguire on the defeat to Sheffield Wednesday: We gave the opponent two goals, we didn't play at the level we expected
Wilder on registration in the Premier League: I don't want to talk about the beginning of an incredible rescue. We just want to show what we are worth
Ronald Koeman: Barcelona in a difficult month with an abundance of outings showed character and deserved their victories
Frankie de Jong: I started to play closer to the penalty area, so I score more
Manchester United's 13-match unbeaten streak in the Premier League was Interrupted