Views: 1
ដោយៈ ទេព មង្គល / ភ្នំពេញ៖ នគរបាលចរាចរណ៍ បានចុះរឹតបន្តឹងការអនុវត្តច្បាប់ចរាចរណ៍ ផ្លូវគោក នៅថ្ងៃទី១៦ ខែសីហា ឆ្នាំ២០២២ នៅតាមគោលដៅសរុបចំនួន ១៦០ គោលដៅ ដោយមានយានយន្តចូលគោលដៅ ចំនួន ៣.០៤៤ គ្រឿង ម៉ូតូ ២.៥២៨ គ្រឿង ក្នុងនោះ រកឃើញយានយន្តល្មើស សរុបចំនួន ៥៩០ គ្រឿង មានម៉ូតូចំនួន ៥១៧ គ្រឿង ហើយត្រូវបាន ផាកពិន័យ តាមអនុក្រឹត្យលេខ៣៩.អនក្រ.បក នៅទូទាំងប្រទេស ។ នេះបើយោងតាម របាយការណ៍របស់ នាយកដ្ឋាននគរបាលចរាចរណ៍ និងសណ្តាប់ធ្នាប់សាធារណៈ ស្តីពីការរឹតបន្ដឹងច្បាប់ ស្ដីពីចរាចរណ៍ផ្លូវគោក បានឱ្យដឹងនៅថ្ងៃទី១៧ សីហា នេះ។
បើតាមប្រភពដដែល បានបញ្ជាក់ដោយឡែកថាៈ ក្នុងរយៈពេល ១៦ថ្ងៃ គិតពីថ្ងៃទី១ ដល់ថ្ងៃទី១៦ ខែសីហា ការរឹតបន្ដឹងការអនុវត្តច្បាប់ ស្ដីពីចរាចរណ៍ផ្លូវគោកនេះ គឺមានយាន យន្តចូលគោលដៅ មានចំនួន ៤៦.៦៥៨ គ្រឿង ក្នុងនោះ រកឃើញយានយន្តល្មើស សរុបចំនួន ៥.០៨១ គ្រឿង ម៉ូតូមានចំនួន ៤.៤១៧ គ្រឿង ត្រូវបានផាកពិន័យ តាមអនុក្រឹត្យលេខ៣៩ អនក្រ.បក នៅទូទាំងប្រទេស។
របាយការណ៍ដដែល បានវាយតម្លៃ រយៈពេល ១៦ថ្ងៃ នៃខែសីហានេះ ឃើញថា ការអនុវត្តតាមអនុក្រឹត្យ ការផាកពិន័យយានយន្តល្មើស បានដំណើរការ ទៅយ៉ាងល្អប្រសើរ ទទួលបានការគាំទ្រ ពិសេសអ្នកប្រើប្រាស់ផ្លូវទាំងអស់ បានចូលរួមគោរពច្បាប់ចរាចរណ៍ យ៉ាងល្អប្រសើរ៕/V
