Views: 2
ប្រែសម្រួល : កញ្ញាដាលីស (TheDrive) ៖ ប្រព័ន្ធការពារដែនអាកាស MIM-104 Patriot ដែលត្រូវបានសន្យាផ្តល់ជូនដោយសហរដ្ឋអាម៉េរិកនឹងត្រូវបញ្ជូនទៅកាន់ប្រទេសអ៊ុយក្រែនឆាប់ជាងការរំពឹងទុក នេះបើយោងតាមមន្ត្រីយោធាអាម៉េរិក។
ថ្ងៃទី ២១ ខែធ្នូគឺជាថ្ងៃដែលប្រធានាធិបតីអាម៉េរិក ចូ បៃដិន បានសន្យាជាមួយប្រធានាធិបតីអ៊ុយក្រែន លោក វ៉ូឡូឌីមៀ ហ្សេលេនស្គី ថា សហរដ្ឋអាម៉េរិកនឹងផ្តល់ឱ្យប្រទេសរបស់គាត់នូវប្រព័ន្ធ Patriot មួយ។ គ្រានោះមន្ត្រីការពារជាតិជាន់ខ្ពស់របស់សហរដ្ឋអាម៉េរិកបានប្រាប់អ្នកយកព័ត៌មានរួមទាំងមកពីតំបន់ផេក War Zone ថាការដឹកជញ្ជូនអាចចំណាយពេលយូរបន្តិចដោយការហ្វឹកហ្វឺនដល់កងទ័ពអ៊ុយក្រែនរំពឹងមានរយៈពេលច្រើនខែ។
ថ្លែងទៅកាន់អ្នកយកព័ត៌មាននៅឯមន្ទីរបញ្ចកោណ កាលពីថ្ងៃអង្គារទី២១មីនា ឧត្តមសេនីយ៍កងពលតូចទ័ពអាកាស លោក ផាត់ រ៉ាយឌ័រ (Pat Ryder)អ្នកនាំពាក្យកំពូលរបស់មន្ទីរបញ្ចកោណបាននិយាយថា ការចែកចាយប្រព័ន្ធ Patriotនឹងត្រូវបាន “ពន្លឿន”ប៉ុន្តែលោកមិនបានផ្តល់ព័ត៌មានជាក់លាក់ទេ។
លោករ៉ាយឌ័របាននិយាយថា “ដូច្នេះសម្រាប់ហេតុផលសុវត្ថិភាពប្រតិបត្តិការ ខ្ញុំនឹងមិនប្រាប់អំពីការកំណត់ពេលវេលាចែកចាយទេ ក្រៅពីការនិយាយថា យើងមានទំនុកចិត្តថា យើងនឹងអាចយកប្រព័ន្ធ Patriots នៅដល់ទីនោះតាមពេលវេលាកំណត់ឆាប់រហ័សមួយ។ ខ្ញុំសុំនិយាយតែត្រឹមហ្នឹងចុះ”៕
ប្រព័ន្ធការពារដែនអាកាស MIM-104 Patriot នឹងទៅដល់អ៊ុយក្រែនលឿនជាងការរំពឹងទុក