Cambodia

ខ្សែ​ផ្លូវ​សរុប​ទាំង​៣៨​ប្រវែង​១០៨,៧៤​គីឡូម៉ែត្រ នៅ​សៀមរាប គ្រោង​ប្រើប្រាស់​ថវិកាជាតិ​ប្រមាណ​១៤៩​លាន​ដុល្លារ

ដោយ​: សុផល / សៀមរាប​: លោក ស៊ុន ចាន់ថុល ទេសរដ្ឋមន្ត្រី រដ្ឋមន្ដ្រីក្រសួង​សាធារណការ និង​ដឹកជញ្ជូន ដែល​បាន​អញ្ជើញ​អមដំណើរ​សម្តេច អគ្គមហាសេនាបតី​តេ​ជោ ហ៊ុន សែន នាយករដ្ឋមន្ត្រី នៃ​ព្រះរាជាណាចក្រ​កម្ពុជា ចូលរួម​ក្នុង​ពិធី​បើក​ការ ដ្ឋា​ន​ស្ថាបនា​ហេដ្ឋារចនាសម្ព័ន្ធ​ផ្លូវ​ចំនួន​៣៨​ខ្សែ ក្នុង​ក្រុង​សៀមរាប នា​ថ្ងៃ​៣០​វិច្ឆិកា​នេះ បាន​មានប្រសាសន៍ថា​៖​ខ្សែ​ផ្លូវ​សរុប​ទាំង​៣៨ នេះ​មាន​ប្រវែង​១០៨,៧៤ គីឡូម៉ែត្រ គ្រោង​ប្រើប្រាស់​ថវិកាជាតិ​សរុប​ប្រមាណ​ជាង​១៤០​លាន​ដុល្លារ​អាមេរិក និង​ថវិកា​ប្រមាណ​ជាង ៩​លាន​ដុល្លារ​អាមេរិក​ទៀត សម្រាប់​ការងារ​ចាំបាច់​ក្នុងការ​រៀបចំ​ស្ថាបនា​ប្រព័ន្ធ​បង្ហូរ​ទឹកភ្លៀង និង​ទឹក​កខ្វក់​ដែល​នៅ ក្រៅ​គម្រោង​សាងសង់​ខ្សែ​ផ្លូវ​ទាំង​៣៨​នេះ​។ គម្រោង​នេះ​នឹង​ប្រើប្រាស់​រយៈពេល ១៣​ខែ ដែល​គ្រោង​នឹង បញ្ចប់​ការសាងសង់​នៅ​ចុងឆ្នាំ​២០២១ ខាងមុខនេះ​។​

លោក​ទេសរដ្ឋមន្ត្រី​បាន​បន្តថា​៖ ដើម្បី​ធានា​គុណភាព​នៃ​ការសាងសង់​ផ្លូវ​ទាំង​៣៨ ខ្សែ​នេះ​ឱ្យស្រប​នឹង បទដ្ឋាន និង​លក្ខណៈ​បច្ចេកទេស​តាម​ប្រភេទ​ខ្សែ​ផ្លូវ​នីមួយៗ គណៈកម្មការ​អន្តរក្រសួង បានសម្រេច​បង្កើត​ក្រុមការងារ​ត្រួតពិនិត្យ និង​វាយតម្លៃ​ការងារ​របស់​អ្នកទទួលការ និង​មាន​ក្រុមការងារ​ត្រួតពិនិត្យ​បច្ចេកទេស​អន្តរក្រសួង​ចំនួន​៩​ទៀត ជា​សេនាធិការ​ដែលមាន​ភារ​កិច្ច​ប្រចាំការ​នៅតាម​ការដ្ឋាន​នីមួយៗ ផងដែរ​។​

​បន្ថែម​ពីលើ​នេះ លោក​ទេសរដ្ឋមន្ត្រី​បាន​បញ្ជាក់ថា​៖ បើទោះបី​កម្ពុជា​បាននិងកំពុង​ជួបប្រទះ​បញ្ហា​ធំៗ ដូចជា​៖ បញ្ហា​ការរីក​រាលដាល​ជំងឺ​កូ​វីដ​-១៩ ការ​កាត់ផ្តាច់​ផ្នែក​ខ្លះ​នៃ​ការអនុគ្រោះ​ពន្ធ​EBA បញ្ហា​គ្រោះ មហន្តរាយ ធម្មជាតិ ទឹកជំនន់ ក៏ពិតមែន ប៉ុន្តែ​កម្ពុជា​នៅតែ​អាច​ឈរ​ក្នុង​ភាពជា​ម្ចាស់ការ​ដោយ​ខ្លួនឯង បាន និង​បាន​កសាង​នូវ​សមិទ្ធផល​ជាច្រើន​ពាសពេញ​ផ្ទៃ​ប្រទេស និង​មានការ​អភិវឌ្ឍ​រីកចម្រើន​លើ​គ្រប់ វិស័យ​និង​បាន​បន្ថែមថា​៖ ហេដ្ឋារចនាសម្ព័ន្ធ​ផ្លូវ​ចំនួន​៣៨​ខ្សែ​នេះ គឺជា​សមិទ្ធផល​ថ្មី​បន្ថែមទៀត បន្ទាប់ពី​ហេដ្ឋារចនាសម្ព័ន្ធ​ផ្លូវ​នៅក្នុង​ខេត្ត​ព្រះសីហនុ ដែល​បាននិងកំពុង​ស្ថាបនា​សាងសង់ឡើង ត្រៀម​នឹង​បញ្ចប់ ការសាងសង់​នាពេល​ដ៏​ខ្លី​ខាងមុខ​។​

​ឆ្លៀត​ក្នុងឱកាស​នេះ​ផងដែរ លោកទេសរដ្ឋមន្ត្រី​បាន​ស្នើឱ្យ​អង្គភាព​ទទួល​ការងារ​អនុវត្ត​គម្រោង​ទាំងអស់ ត្រូវ​ប្រកាន់​គោលជំហរ​និង​ការប្តេជ្ញាចិត្ត​ខ្ពស់ ប្រកបដោយ​ស្មារតី​ទទួលខុសត្រូវ លើ​ការងារ​ស្ថាបនា​ហេដ្ឋារចនាសម្ព័ន្ធ​ផ្លូវ​ទាំង​៣៨​ខ្សែ និង​ការងារ​រៀបចំ​សាងសង់​ប្រព័ន្ធ​បង្ហូរ​ទឹកភ្លៀង និង​ទឹក​កខ្វក់​ដែល​នៅក្រៅ​គម្រោង​សាងសង់​ខ្សែ​ផ្លូវ​ទាំង​៣៨​នេះ ដោយ​គោរព​តាម​បទដ្ឋាន​លក្ខណៈ​បច្ចេកទេស និង​សៀវភៅ​បន្ទុក​ឱ្យបាន​ត្រឹមត្រូវ ពិសេស​ត្រូវមាន​កម្មក​រ គ្រឿងចក្រ និង​ឧបករណ៍​សាងសង់​ឱ្យបាន​គ្រប់គ្រាន់ ដើម្បី​សម្រេច​ការងារ​នេះ​ឱ្យបាន​ឆាប់រហ័ស​តាម​ការគ្រោងទុក​។​

​គួរកត់សម្គាល់​ផងដែរ​ថា​៖ ទីក្រុង​សៀមរាប បាននិងកំពុង​ប្រែក្លាយ​រូបរាង​ជាទី​ក្រុង​ទំនើប និង​ទេសចរណ៍ ដ៏​មាន​សក្តានុពល ហើយ​ត្រូវបាន​រាជរដ្ឋាភិបាល​កម្ពុជា​កំណត់​ជា​តំបន់​ស្នូល​នៃ​ប៉ូល​អភិវឌ្ឍ​ជាតិ ជា​គោល ដៅ​ទេសចរណ៍វប្បធម៌ ប្រវត្តិសាស្ត្រ និង​ធម្មជាតិ ដែលមាន​សក្តានុពល​សេដ្ឋកិច្ច សម្បូរបែប និង​អាច ទាក់ទាញ​ទេសចរណ៍​ជាតិ និង​អន្តរជាតិ​រាប់លាន​នាក់ ចូលមក​ទស្សនា ក្នុង​មួយឆ្នាំៗ លើកលែងតែ​ក្នុង អំឡុងពេល​នៃ​ការរីក​រាល​នៃ​វីរុស​កូ​វីដ​-១៩ ជា​សកល​ទូទាំង​ពិភពលោក​នាពេល​បច្ចុប្បន្ន​តែប៉ុណ្ណោះ​។​

​គម្រោង​នេះ​ដើរតួនាទី​ជា​ហេដ្ឋារចនាសម្ព័ន្ធ​ប្រទាក់ក្រឡា​គ្នា ត​ភ្ជាប់​ទីប្រជុំជន ទៅ​ជាយក្រុង និង​ត​ភ្ជាប់​ទៅ កាន់ តំបន់​ទេសចរណ៍​សំខាន់ៗ និង​បណ្តាញ​ខ្សែ​ផ្លូវជាតិ​នានា សំដៅ​កាត់បន្ថយ​ការកកស្ទះ​ចរាចរណ៍​ក្នុង ទីក្រុង ជំរុញ​កំណើន​ដឹកជញ្ជូន ទាក់ទាញ​វិនិយោគិន​ធុរជន និង​ភ្ញៀវទេសចរ​ជាតិ​-​អន្តរជាតិ​រួមចំណែក​ដល់​ការជំរុញ​កំណើនសេដ្ឋកិច្ច​ជាតិ​នៅក្រោយ​វិបត្តិ​នៃ​ជំងឺ​កូ​វីដ​-១៩​។ ទាំងអស់នេះ គឺជា​ការគិតគូរ​គ្រប់​ជ្រុងជ្រោយ​របស់​ប្រមុខ​រាជរដ្ឋាភិបាល​យើង ក្នុងការ​លើកស្ទួយ​ជីវភាព​រស់នៅរ​បស់បង​ប្អូន​ប្រជាពលរដ្ឋ ជាពិសេស​អ្នក​សៀមរាប ឱ្យ​កាន់តែ​ល្អប្រសើរ​ឡើង ក៏ដូចជា​លើកមុខ​មាត់​ព្រះរាជាណាចក្រ​កម្ពុជា ឱ្យ​កាន់តែ​ល្បីល្បាញ​លើ​ឆាក​អន្តរជាតិ​បន្ថែមទៀត​ផងដែរ​៕​

ទីតាំងផ្សាយពាណិជ្ជកម្ម

Football news:

Real Madrid are confident that PSG will demand 150 million euros for Mbappe. Madrid is not ready to pay so much
Arteta on Ozil: It is always sad when such a figure leaves
Alabai will move to Real Madrid in the summer. The contract for 4 years is agreed, the salary is about 11 million euros (Marca)
Stefano Pioli: We will look at the table in April. For Milan, every match is the most important
Zlatan Ibrahimovic: Together with Mandzukic, we will scare the opponents of Milan. He signed a contract
Milan scored 43 points in 18 rounds - the best result since the 2003-04 season. Then the club became the champion
Aubameyang scored a double in a Premier League match for the first time in the season. Parti's first assist for Arsenal