Views: 10
ប្រែសម្រួល : កញ្ញាដាលីស (ប៊ីប៊ីស៊ី) ៖ ខ្សែការពារកណ្តាល ឌីហ្គោ កាឡូស (Diego Carlos) របស់ Aston Villa នឹងត្រូវសម្រាកនៅក្រៅទីលានបន្ទាប់ពីរបួសដាច់រហែកសរសៃពួរកជើងក្នុងការបង្ហាញខ្លួនលើកដំបូងក្នុងទឹកដីរបស់ខ្លួនទល់នឹងក្រុម Everton កាលពីថ្ងៃសៅរ៍។
កីឡាករវ័យ ២៩ ឆ្នាំ ដែលទិញបាននៅរដូវក្តៅនេះ ត្រូវបានបង្ខំឱ្យចាកចេញពីទីលានក្នុងពេលដែល Villa ឈ្នះ ២-១ លើ Everton ។
កាឡូសបានចូលរួមពី Sevilla ក្នុងតម្លៃ ២៦ លានផោនក្នុងខែមិថុនា ហើយបានចាប់ផ្តើមការប្រកួតបើកឆាក Premier League ទាំងពីរលើកសម្រាប់ Villa ។
សេចក្តីថ្លែងការណ៍របស់ក្លិបបានបញ្ជាក់ថា “កីឡាកររូបនេះនឹងត្រូវការការវះកាត់ ហើយបន្ទាប់មកនឹងចាប់ផ្តើមកម្មវិធីស្តារនីតិសម្បទាឡើងវិញ”។
ក្រោយការប្រកួត លោក ស្តេវិន ជើរ៉ាត់ (Steven Gerrard) គ្រូបង្វឹករបស់ Aston Villa បានសារភាពថា គាត់មាន “ការព្រួយបារម្ភយ៉ាងខ្លាំង” អំពីខ្សែការពារប្រេស៊ីលរូបនេះ បន្ទាប់ពីរបួសរបស់គេ៕
ឌីហ្គោ កាឡូស នឹងត្រូវវះកាត់ហើយសម្រាករយៈពេលយូរទម្រាំជាពីរបួសពេញលេញ