1 ម៉ោង មុន
ភ្នំពេញ៖ ក្រសួងធម្មការ និងសាសនា បានចេញប្រកាស ណែនាំ ៤ចំណុច ស្តីពី ការអនុវត្តគោលការណ៍ប្រណិប័តន៍លើជំនឿ សាសនា ប្រពៃណីទំនៀមទម្លាប់ខ្មែរ។…
ភ្នំពេញ៖ ក្រសួងធម្មការ និងសាសនា បានចេញប្រកាស ណែនាំ ៤ចំណុច ស្តីពី ការអនុវត្តគោលការណ៍ប្រណិប័តន៍លើជំនឿ សាសនា ប្រពៃណីទំនៀមទម្លាប់ខ្មែរ។
សេចក្តីប្រកាស លើកឡើងថា កន្លងមក ក៏ដូចជាពេលបច្ចុប្បន្ន មានបុគ្គលមួយចំនួន បានធ្វើសកម្មភាពខាងជំនឿ និងប្រណិប័តន៍ខាងផ្លូវសាសនាជ្រុលនិយម ដែលនាំឱ្យប៉ះពាល់យ៉ាងធ្ងន់ធ្ងរដល់សទ្វាជ្រះថ្លាក្នុងព្រះពុទ្ធសាសនា របៀបរៀបរយសាធារណៈ សន្តិសុខសណ្តាប់ធ្នាប់សង្គម ប្រពៃណីទំនៀមទម្លាប់ដ៏ល្អផូរផង់របស់សង្គមខ្មែរ និងប៉ះពាល់ដល់សិទ្ធិបុគ្គល រួមទាំងជំងឺសាសនា តាមរយៈសកម្មភាពឃោសនា ផ្សព្វផ្សាយ ដែលមានចរិតលើកទឹកចិត្តឱ្យប្រើអំពើហិង្សា អាកប្បកិរិយា អរិភាព ការរើសអើង សកម្មភាពអាសអាភាស កុហកភូតភរ ដែលទង្វើទាំងនោះ មិនស្របទៅនឹងមាត្រា ៤៣ នៃរដ្ឋធម្មនុញ្ញ និងបទដ្ឋានគតិយុត្ត ដែលមានជាធរមាន។ឈរលើស្មារតីនេះ ក្រសួងធម្មការ និងសាសនា បានប្រកាសណែនាំ ដូចខាងក្រោម៖១–ហាមដាច់ខាតការយកត្រៃយ៍ចីវរ ទៅស្លៀកដណ្តប់តាមទំនើងចិត្ត ការលួចយកបូជនីយវត្ថុ ដែលធ្វើឱ្យខូចខាតដល់បូជនីយដ្ឋាននានារបស់សាសនា។២–ហាមយកព្រះពុទ្ធសាសនាធ្វើអាជីវកម្មតាមគ្រប់រូបភាព រួមមាន ទេសនា បង្រៀនធម៌ ផ្សព្វផ្សាយ ប្រាសចាកធម៌វិន័យ សេចក្តីពិតនៃព្រះធម៌ មន្តអាគមឧមអាម សីលវិជ្ជាការ ( ទុវិជ្ជា ) ដែលជាសកម្មភាព មានលក្ខណៈបោកប្រាស់។៣–ហាមយកទង់ព្រះពុទ្ធសាសនា ព្រះបដិមា ឬវត្ថុជាទីសក្ការៈនៃសាសនា ទៅធ្វើការទាក់ទាញ បំភាន់ ឬបោកប្រាស់មហាជន ក្នុងបំណងបម្រើផលប្រយោជន៍បុគ្គល បក្សពួកក្រុមរបស់ខ្លួន ដែលធ្វើឱ្យប៉ហពាល់ដល់សន្តិសុខសណ្តាប់ធ្នាប់សាធារណៈសង្គម។៤–ហាមយកពុទ្ធដីកាទៅបំប្លែង ឬកំប្លុកកំប្លែង ធម៌រ៉ែប ជេរប្រមាថ ដើម្បីស្វែងរកលាភសក្ការៈ។ ហាមយកព្រះពុទ្ធរូប ឬសញ្ញាសម្គាល់ព្រះពុទ្ធសាសនា ទៅដាក់ក្នុងវត្ថុប្រើប្រាស់មិនគប្បី ដើម្បីផ្សាយពាណិជ្ជកម្មទាក់ទាញរកផលប្រយោជន៍ ឬតម្កល់ទុកក្នុងទីមិនសមគួរ ឬដាក់តម្កល់ ដើម្បីលម្អទាក់ទាញ ( ហាងផឹកស៊ី បន្ទប់ទឹក បង្គន់ ខោទ្រនប់ ទ្រនាប់ជើង ជាដើម )៕
10 ម៉ោង មុន
