Views: 10
ប្រែសម្រួល : កញ្ញាដាលីស (VNExpress) ៖ ក្រុមហ៊ុនអាកាសចរណ៍ China Eastern Airlines ដែលជាអតិថិជនដំបូងសម្រាប់យន្តហោះតួតូចចង្អៀត C919 របស់ចិននឹងចាប់ផ្តើមហោះហើរពាណិជ្ជកម្មលើកដំបូងនៅថ្ងៃអាទិត្យនេះ នេះបើយោងតាមកម្មវិធីរបស់ក្រុមហ៊ុនបង្ហាញកាលពីថ្ងៃសុក្រ។
ជើងហោះហើរ C919 នឹងចេញដំណើរ នៅម៉ោង ១០៖៤៥ ព្រឹក ម៉ោងនៅទីក្រុងប៉េកាំងពីអាកាសយានដ្ឋានអន្តរជាតិសៀងហៃហុងឈាវ (Shanghai Hong Qiao)ហើយនឹងមកដល់អាកាសយានដ្ឋានរដ្ឋធានីប៉េកាំងនៅម៉ោង ១៖១០ រសៀល។
ប្រតិបត្តិការពាណិជ្ជកម្មនៃយន្តហោះ C919 គឺជាព្រឹត្តិការណ៍ដ៏សំខាន់មួយនៅក្នុងក្តីសង្ឃឹមរបស់ប្រទេសនេះដែលថា យន្តហោះនេះនឹងបំបែកការដើរតួឯកតែពីររវាងយន្តហោះ AirbusនិងBoeing ជាយូរនៅក្នុងឧស្សាហកម្មអាកាសចរណ៍របស់ពិភពលោក។
ផលិតដោយក្រុមហ៊ុន Commercial Aviation Corp of China (COMAC)ដើម្បីប្រជែងនឹងគ្រួសារយន្តហោះ Airbus A320neo និង Boeing 737 MAX យន្តហោះ C919 បានធ្វើការហោះហើរសាកល្បងជាច្រើនលើកដោយគ្មានអ្នកដំណើរ។
ក្រុមហ៊ុន China Eastern បាននិយាយកាលពីថ្ងៃព្រហស្បតិ៍ថា យន្តហោះ C919 នឹងត្រូវដាក់ឱ្យដំណើរការ “ក្នុងពេលដ៏ខ្លីខាងមុខនេះ”ហើយយន្តហោះនេះនឹងធ្វើប្រតិបត្តិការពាណិជ្ជកម្មជាមួយទីក្រុងសៀងហៃ ដែលជាមូលដ្ឋានសំខាន់របស់ខ្លួន៕
យន្តហោះ C919 នឹងចាប់ផ្តើមជើងហោះហើរពាណិជ្ជកម្មនៅថ្ងៃអាទិត្យនេះហើយ
