Views: 9
ដោយៈ ជា សីហៈ/ភ្នំពេញៈ ក្រសួងកសិកម្ម រុក្ខាប្រមាញ់ និង នេសាទ បានអះអាងថា ក្រោយពេលដែល ការសាកល្បងបង្ហាញអំពីលទ្ធភាពនៃការបង្កបង្កើនផលដំណាំដំឡូងបារាំងនៅពេលនេះ ពួកគេនៅតែ បន្តដាំដុះជាបន្តបន្ទាប់ ។
ប្រភពដដែលបានអះអាងថា ជាក់ស្តែងកាលពីថ្ងៃទី២៩ ខែវិច្ឆិកា ឆ្នាំ២០២២ មន្ទីរកសិកម្ម រុក្ខាប្រមាញ់ និងនេសាទខេត្តមណ្ឌលគិរី បានរៀបចំពិធីចែកពូជដំណាំដំឡូងបារាំង ជូនប្រជាកសិករចំនួន ១.៥០០ គ្រាប់នៅក្នុងមួយគ្រួសារ ។
ពិធីនេះរៀបចំឡើង ក្រោមអធិបតីភាព លោក ថង សាវុន អភិបាលខេត្តមណ្ឌលគិរី ចែកដល់កសិករចំនួន ១២គ្រួសារ ក្នុងមួយគ្រួសារទទួលបានពូជដំឡងបារាំងចំនួន ១៥០០គ្រាប់ ដែលប្រព្រឹត្តទៅនៅភូមិដោះក្រមុំ សង្កាត់សុខដុម ក្រុងសែនមនោរម្យ ៕