Views: 1
ប្រែសម្រួល : កញ្ញាដាលីស (ដេល្លីម៉េល) ៖ ទិន្នន័យផ្លូវការបានបង្ហាញថា ការស្លាប់ដោយកូវីដមានចំនួន១០នាក់មាន៩នាក់ជាមនុស្សវ័យចាស់នាក់នៅសហរដ្ឋអាម៉េរិកឥឡូវនេះ ខណៈជំងឺនេះឥឡូវបានក្លាយជាជំងឺរបស់មនុស្សចាស់។
ដូចមេរោគភាគច្រើនផ្សេងទៀតដែរ មនុស្សចាស់គឺងាយរងគ្រោះពីកូវីដក្នុងអំឡុងជំងឺរាតត្បាតនេះ ប៉ុន្តែក្នុងរយៈពេលប៉ុន្មានខែថ្មីៗនេះ ចំនួនអ្នកស្លាប់បានកើនឡើងចំពោះក្រុមមនុស្សអាយុលើសពី ៦៥ ឆ្នាំ ដោយឈានដល់កំណត់ត្រា ៩២ ភាគរយនៃការស្លាប់ដោយកូវីដកាលពីពីរសប្តាហ៍មុន។
អ្នកស្រាវជ្រាវមិនទាន់ច្បាស់អំពីអ្វីដែលអាចនៅពីក្រោយនិន្នាការនេះទេ ក៏ប៉ុន្តែការចាក់វ៉ាក់សាំងនៅមានកម្រិតទាបចំពោះមនុស្សចាស់ ដោយមានត្រឹមមួយភាគបួនប៉ុណ្ណោះបានទទួលវ៉ាក់សាំង។
ជនជាតិអាម៉េរិកប្រហែល ១០០ នាក់នៅតែស្លាប់ដោយសារកូវីដជារៀងរាល់ថ្ងៃ ដែលទាបជាងចំនួនអ្នកស្លាប់ជិត ៤.០០០ នាក់ក្នុងមួយថ្ងៃក្នុងឆ្នាំ ២០២០ ប៉ុន្តែអ្នកជំនាញខ្លះនិយាយថាចំនួននេះនៅតែខ្ពស់ខ្លាំង។
វេជ្ជបណ្ឌិតមួយចំនួនបានព្រមានរួចហើយថា កូវីដបំប្លែងបន្ទាប់អាចនឹងសាហាវជាមុនឆ្ងាយណាស់៕
ការស្លាប់ដោយកូវីដ ៩ នាក់ក្នុងចំណោម ១០ នាក់នៅសហរដ្ឋអាម៉េរិកឥឡូវនេះគឺស្ថិតក្នុងចំណោមមនុស្សចាស់