Views: 5
ដោយៈ សុខុម / ក្រចេះ÷ កូនផ្សោត ឈ្មោលមួយក្បាល មានទម្ងន់ជាង ១០ គីឡូក្រាម បានងាប់នៅទន្លេមេគង្គ ក្នុងតំបន់អភិរក្សរមណីយដ្ឋាន អន្លង់ផ្សោតកាំពី ឃុំសំបុក ស្រុកចិត្របុរី ខេត្តក្រចេះ កាលពីថ្ងៃទី៧ ខែសីហា ឆ្នាំ២០២២ ។
មន្ត្រីជំនាញ មិនទាន់ដឹងពីមូលហេតុ ដែលបណ្ដាលឱ្យកូនផ្សោត មួយក្បាលទៀត ងាប់ នៅពេលចុងក្រោយនេះទេ ក៏ប៉ុន្តែប្រជាពលរដ្ឋ រស់នៅតំបន់នោះ ដាក់ការសង្ស័យថា អាចមកពីអ្នកប្រព្រឹត្តបទល្មើសខុសច្បាប់ ប្រើឧបករណ៍នេសាទហាមឃាត់ ដូចជា មងក្រឡា និងឧបករណ៍ឆក់ ដើម្បីចាប់ត្រី ជាដើម។
សត្វផ្សោត គឺជាប្រភេទសត្វកម្រមួយ នៅលើពិភពលោក ដែលមានអង្គការជាច្រើន កំពុងចូលរួមអភិរក្ស ជាពិសេសអង្គការ WWF បានសហការជាមួយរាជរដ្ឋាភិបាលកម្ពុជា ចូលរួមអភិរក្សសត្វផ្សោត។
តែមន្ត្រីអង្គការ មានការព្រួយបារម្ភជាខ្លាំង ចំពោះអ្នកប្រព្រឹត្តបទល្មើសនេសាទ នៅតែបង្កឱ្យប៉ះពាល់ ដល់ការអភិរក្សសត្វផ្សោត ក្នុងតំបន់នោះ។ កត្តាមនុស្សប្រព្រឹត្តបទ ល្មើសខុសច្បាប់នេះហើយ ធ្វើឲ្យប៉ះពាល់ដល់ការរស់នៅ របស់សត្វផ្សោត ដែលអាចរកប្រាក់ចំណូលបានច្រើន ពីវិស័យទេសចរណ៍៕/V