Views: 7
ប្រែសម្រួលៈបំណង(ដេល្លីម៉េល)៖ យោធាកូរ៉េខាងត្បូងនៅថ្ងៃចន្ទទី៥ធ្នូនេះបាននិយាយថា កូរ៉េខាងជើងបានបាញ់កាំភ្លើងធំប្រមាណ១៣០គ្រាប់ចូលក្នុងទឹកក្បែរព្រំដែនសមុទ្រខាងលិចនិងខាងកើតនៃកូរ៉េទាំងពីរ ។វាជាចំណាត់ការយោធាចុងក្រោយបំផុតរបស់កូរ៉េខាងជើងដែលចូលរួមបង្កភាពតានតឹងកាន់តែអាក្រក់ទៅរវាងកូរ៉េទាំងពីរ។
នាយសេនាធិការកងទ័ពចំរុះកូរ៉េខាងត្បូង បាននិយាយថាសព្វាវុធដែលបាញ់បានធ្លាក់ក្នុងប៉ែកខាងជើងនៃតំបន់ទ្រនាប់ដែលត្រូវបានបង្កើតឡើងក្រោមកិច្ចព្រមព្រៀងរវាងកូរ៉េឆ្នាំ២០១៨ដើម្បីកាត់បន្ថយភាពតានតឹងយោធា។
វានៅមិនទាន់ច្បាស់ថាឧបទ្ទវហេតុនេះបានកើតឡើងពេលណា តែថាយោធាកូរ៉េខាងត្បូងបានទាក់ទងផ្តល់ការព្រមានផ្ទាល់មាត់ទៅកាន់កូរ៉េខាងជើងអំពីការបាញ់នេះនិងបានស្នើសុំអោយគោរពកិច្ចព្រមព្រៀង៕
រូបក្នុងកញ្ចក់ទូរទស្សន៍កូរ៉េខាងត្បូងបង្ហាញយោធាកូរ៉េខាងជើងធ្វើសមយុទ្ធយោធា។យោធាកូរ៉េខាងត្បូងនិយាយថាកូរ៉េខាងជើងនៅថ្ងៃចន្ទនេះបានបាញ់កាំភ្លើងធំប្រមាណ១៣០គ្រាប់ចូលក្នុងទឹកក្បែរព្រំដែនកូរ៉េទាំងពីរ