Views: 3
ប្រែសម្រួលៈបំណង(ដេល្លីម៉េល)៖អ៊ីឡុន ម៉ាស ម្ចាស់ក្រុមហ៊ុនSpaceXដែលដំណើរការសេវាអ៊ីធឺណិតផ្កាយរណបStarlinkបាននិយាយបង្ហោះក្នុងបណ្តាញសង្គមXរបស់លោកថា កាលពីឆ្នាំមុន«មានសំណើបន្ទាន់មកពីអាជ្ញាធររដ្ឋាភិបាលជាច្រើនអោយលោកដំណើរការសេវាអ៊ីធឺណិតផ្កាយរណបStarlinkនៅគ្រប់ផ្លូវទៅកាន់ទីក្រុងសេវ៉ាស្តូប៉ូល(Sevastopol) ក្នុងគោលបំណងយ៉ាងច្បាស់គឺដើម្បីពន្លិចវានាភាគច្រើននៃកងនាវារុស្ស៊ីនៅសមុទ្រខ្មៅ»។
តែលោកបានរារាំងការវាយប្រហាររបស់អ៊ុយក្រែនលើមូលដ្ឋានទ័ពជើងទឹករុស្ស៊ីនៅទីនោះដោយមិនព្រមតាមសំណើរបស់រដ្ឋាភិបាលទីក្រុងគៀវដើម្បីចូលប្រើសេវាអ៊ីនធឺណិតរបស់ក្រុមហ៊ុនរបស់លោកនៅតំបន់សមុទ្រខ្មៅក្បែរគ្រីម៉េ ឡើយ។
មហាសេដ្ឋីបច្ចេកវិទ្យាអ៊ីឡុន ម៉ាស់ បាននិយាយថាលោកបានបដិសេធសំណើពីរដ្ឋាភិបាលទីក្រុងគៀវសំរាប់សេវាអ៊ីនធឺណិតផ្កាយរណបនៅតាមផ្លូវឆ្ពោះទៅកាន់មូលដ្ឋានជើងទឹករុស្ស៊ីនៅសមុទ្រខ្មៅ
សេវាអ៊ីនធឺណិតផ្កាយរណបStarlinkដំណើការដោយក្រុមហ៊ុនSpaceX ត្រូវបានដាក់ពង្រាយនៅអ៊ុយក្រែនភ្លាមក្រោយរុស្ស៊ីបើកប្រតិបត្តិការសឹកចូលប្រទេសក្បែរខាងខ្លួនកាលពីខែកុម្ភៈឆ្នាំ២០២២។
ទីក្រុងសេវ៉ាស្តូប៉ូលជាមូលដ្ឋានកងទ័ពជើងទឹករុស្ស៊ីនៅសមុទ្រខ្មៅនៅឧបទ្វីបគ្រីម៉េ ។
ម៉ាស់បាននិយាយថា«បើខ្ញុំយល់ព្រមតាមសំណើរបស់គេ នោះSpaceXនឹងចូលរួមពាក់ព័ន្ធនឹងអំពើសង្គ្រាមធំមួយហើយជម្លោះកាន់តែរាលដាល»។
សម្រង់សម្តីចេញពីសៀវភៅជីវប្រវត្តិរបស់មហាសេដ្ឋីបច្ចេកវិទ្យានេះ និយាយថា «យោធាអ៊ុយក្រែនបានប៉ុនប៉ងវាយប្រហារលើកងនាវារុស្ស៊ីនៅសេវ៉ាស្តូប៉ូលនៅគ្រីម៉េដោយបញ្ជូនដ្រូនមុជទឹកប្រាំមួយគ្រឿងផ្ទុកគ្រឿងផ្ទុះ ហើយប្រើStarlinkដើម្បីនាំពួកវាទៅកាន់គោលដៅ»។
យោងតាមសម្រង់ចេញពីសៀវភៅ លោកម៉ាស់បានិយាយទៅកាន់ឯកអគ្គរដ្ឋទូតរុស្ស៊ីប្រចាំអាម៉េរិក…ដែលបានប្រាប់លោកយ៉ាងច្បាស់ថា«ការវាយប្រហាររបស់អ៊ុយក្រែនណាមួយលើគ្រីម៉េនឹងនាំដល់ការឆ្លើយតបពីអាវុធនុយគ្លេអ៊ែរ។ម៉ាស់បានប្រាប់ទៅក្រុមវិស្វករស្ងាត់ៗអោយបិទសេវាអ៊ីនធឺណិតនៅក្នុងរង្វង់១០០គីឡូម៉ែត្រពីឆ្នេរគ្រីម៉េ។ជាលទ្ធផល នៅពេលទូកដ្រូនមុជទឹកអ៊ុយក្រែនទៅដល់ក្បែរកងនាវារុស្ស៊ីនៅសេវ៉ាស្តូប៉ូល ពួកវាដាច់ការទាក់ទងនិងត្រូវទឹកបកទៅទើលើឆ្នេរដោយមិនបានបង្កគ្រោះថ្នាក់»។
អតីតប្រធានាធិបតីរុស្ស៊ី និងជាមន្ត្រីសន្តិសុខជាន់ខ្ពស់រុស្ស៊ីលោក ឌីមីទ្រី មេតវ៉េដេវ ក្នុងការឆ្លើយតបនឹងការបញ្ចេញព័តមានលម្អិតនេះ បានសរសើរលើម៉ាស់។លោកថា «ម៉ាស់ព្រួយបារម្ភអំពីការវាយប្រហារនុយគ្លេអ៊ែរសងសឹក។បើសម្រង់សម្តីនេះជាការពិត នោះវាហាក់ដូចជាលោកម៉ាស់ជាមនុស្សមានគំនិតត្រឹមត្រូវចុងក្រោយនៅអាម៉េរិកខាងជើង»។
លោកម៉ាស់កាលពីថ្ងៃព្រហស្បតិ៍ក៏បានអំពាវនាវអោយផ្អាកជម្លោះ ដោយហេតុថា«រាល់ថ្ងៃដែលកន្លងទៅ យុវជនអ៊ុយក្រែននិងរុស្ស៊ីស្លាប់កាន់តែច្រើនឡើងដើម្បីគ្រាន់តែដណ្តើមចំណែកដីដ៏តូច។វាមិនសមនឹងចំណាយអាយុជីវិតរបស់គេទេ៕
