រាជធានីភ្នំពេញ ៖ តារាហ្វេសប៊ុក កក្កដា សុភណ្ឌ ហាក់កាន់តែមានហាងឆេងខ្ពស់ នៅក្នុងពិភពសិល្បៈ ក្រោយតារារូបនេះ បានប្រឡង Miss Queen Cambodia 2023 ដែលទើបតែបានបិទបញ្ចប់កាលពីពេលថ្មីៗនេះ ។
មួយរយៈពេលខ្លីនេះ តារាភេទទី៣ កក្កដា សុភ័ណ្ឌ ហាក់កាន់តែមានយីអ៊ុនក្រឺតៗ ដោយតារារូបនេះទើបតែជះលុយ១.១០០០ដុល្លារ ក្នុងការកែសម្ជស្សដោយមិនបានប៉ុន្មានផង ស្រាប់តារាហ្វេសប៊ុករូបនេះ បានចំណាយលុយជាច្រើនទិញឡានទំនើបស៊េរីឆ្នាំ២០២៣ ជាកាដូសម្រាប់ខ្លួនឯងទៀតផង ។ លើសពីនេះ តារាហ្វេសប៊ុក កក្កដា សុភ័ណ្ឌ បានបង្ហោះសារលើបណ្តាញសង្គម «សង្ឃឹមថា570ចូលមកមួយទៀតឆាប់ៗនេះផងចុះ»។
តាមរយៈបទសម្ភាសន៍ជាមួយកម្មវិធី 60Buzz នៃសារព័ត៌មានកោះសន្តិភាព បានអោយដឹងថា កញ្ញាបានទិញឡានស៊េរីទំនើបឆ្នាំ២០២៣មួយគ្រឿង ដែលមានមានតម្លៃ៣.៧០០០ដុល្លារ ពោលនេះ អាចថាជាកាដូសម្រាប់រូបកញ្ញាផ្ទាល់ដែលតែងខិតខំប្រឹងប្រែងរកស៊ី ការងារថត ការសម្តែង និងការធ្វើជា BA អោយគេជាដើម ។
តារាហ្វេសប៊ុក កក្កដា សុភ័ណ្ឌ បានបន្តថា ខ្លួនរកត្រឹមតែរយៈពេលតែប៉ុន្មានខែតែប៉ុណ្ណោះ ដោយខ្លួនកញ្ញាអាចមានលទ្ធភាពទិញរថយន្តពណ៌.សដ៏ថ្មីសន្លាងមួយនេះសម្រាប់ខ្លួនឯង ពោលជាញើសឈាមរបស់កញ្ញាពិតៗ ដោយពុំមានការជួយជ្រោមជ្រែងពីការខាងណានោះឡើយ ។
ក្រោយពេលដែលទទួលបានរថយន្តថ្មីទំនើបមួយនេះ ស្រាប់តែតារាហ្វេសប៊ុក កក្កដា បានពោលពាក្យមួយឃ្លាយ៉ាងចាក់ដោតបន្ថែមថា «សង្ឃឹមថា570ចូលមកមួយទៀតឆាប់ៗនេះផងចុះ»។ ដោយត្រង់នេះ ស្រីស្រស់ កក្កដា សុភ័ណ្ឌ បានទម្លាយថា នាពេលឆាប់ៗខាងមុខ ខ្លួននឹងអាចទិញ 570 បន្ថែមទៀត បើទោះបីនាពេលបច្ចុប្បន្នមានរថយន្តពីរគ្រឿងក្តីហើយក៏ដោយ ។
ប្រាកដណាស់ មិនថាការងារ ឬសិល្បៈនោះទេ គឺអតីតបេក្ខភាពបវរកញ្ញាភេទី៣ កក្កដា សុភ័ណ្ឌ កាន់តែជោគជ័យដោយ សូម្បីតែមហាជនពោលកោតសរសើរតារារូបនេះផងដែរ ។ តារាហ្វេសប៊ុក កក្កដា សុភ័ណ្ឌ បានបន្តថា ខ្លួនជួបការលំបាកជាច្រើនទម្រាំទិញបានឡានមួយៗ ដោយពេលខ្លះត្រូវគេរិះគន់ ត្រូវគេមាក់ងាយ តែរូបខ្លួនទទួលយកទាំងអស់ ព្រោះរាល់ការរិះគន់នេះហើយ ទើបបានធ្វើអោយកញ្ញាទទួលបានភាពជោគជ័យ និងមានភាពល្បីល្បាញដូច្នេះ។
លើសពីនេះ កញ្ញាបានបន្តថា ការងារអ្វីក៏ដោយ គឺសុទ្ធតែល្អទាំងអស់ ដូច្នេះ ត្រូវខិតខំប្រឹងប្រែង ទើបនាំអោយមានភាពល្អប្រសើរ ទោះហត់នឿយបន្តិច តែមិនជាបញ្ហានោះទេ ។
ជាចុងក្រោយ តារាហ្វេសប៊ុក កក្កដា សុភ័ណ្ឌ ពិតជាអរគុណរាល់ការគាំទ្រនាពេលកន្លងមក ដោយរាល់ការគាំទ្រ និងការរិះគន់នេះ ទើបកញ្ញាទទួលបានភាពល្បីល្បាញរហូតមកដល់បច្ចុប្បន្ននេះ ។ ដោយ៖ លីហួ គីមឆាយ