Views: 9
ប្រែសម្រួល : កញ្ញាដាលីស (ដេល្លីម៉េល) ៖ មន្ទីរបញ្ចកោណបាននិយាយកាលពីថ្ងៃព្រហស្បតិ៍ទី២កុម្ភៈថា ខ្លួនកំពុងតាមដានបាឡុងពណ៌ស ដែលមន្ត្រីអាម៉េរិកចោទថាជាឧបករណ៍ចាករម្មចិនខណៈវាហោះខ្ពស់លើសហរដ្ឋអាម៉េរិកដែលហាក់កំពុងឃ្លាំមើលទីតាំងអាវុធនុយក្លេអ៊ែរដែលមានភាពរសើបខ្លាំងនានា។
តាមសំណើរបស់ប្រធានាធិបតី ចូ បៃដិន រដ្ឋមន្ត្រីការពារជាតិ ឡយ អូស្ទីន និងក្រុមមន្ត្រីយោធាកំពូលបានពិចារណាបាញ់ទម្លាក់បាឡុងនោះ ប៉ុន្តែបានសម្រេចចិត្តថាការធ្វើបែបនេះនឹងបង្កគ្រោះថ្នាក់ដល់មនុស្សច្រើនពេកនៅលើដី នេះបើតាមមន្ត្រីការពារជាតិជាន់ខ្ពស់ម្នាក់ប្រាប់ទៅអ្នកយកព័ត៌មាន។
មន្ត្រីរូបនោះបាននិយាយថា បាឡុងនេះបានហោះពីលើភាគពាយព្យសហរដ្ឋអាម៉េរិក កន្លែងដែលមានមូលដ្ឋានទ័ពអាកាសដ៏រសើប និងកាំជ្រួចយុទ្ធសាស្ត្រនៅឃ្លាំងក្រោមដី។
មន្ត្រី ដែលនិយាយក្នុងលក្ខខណ្ឌមិនបញ្ចេញឈ្មោះនេះ បាននិយាយថា “ច្បាស់ណាស់ ចេតនានៃបាឡុងនេះគឺសម្រាប់ឈ្លបយកការណ៍ហើយផ្លូវហោះហើរបច្ចុប្បន្នពិតជាបានអនុវត្តនៅលើទីតាំងរសើបមួយចំនួន”។
ប៉ុន្តែមន្ទីរបញ្ចកោណមិនជឿថាវាបង្កើតជាការគំរាមកំហែងខាងចារកម្មដ៏គ្រោះថ្នាក់នោះទេ។
មន្ត្រីរូបនោះបាននិយាយថា “យើងវាយតម្លៃថា បាឡុងនេះមានតម្លៃតិចតួចបើផ្អែកលើការយល់ឃើញពីក្រុមប្រមូលព័ត៌មានស៊ើបការណ៍សម្ងាត់”។
មន្ត្រីដដែលនិយាយថា បាឡុងនេះបានចូលមកក្នុងដែនអាកាសអាម៉េរិក “ពីរបីថ្ងៃមុន” ដោយបន្ថែមថា ចារកម្មអាម៉េរិកបានតាមដានវាមុនពេលវាចូលមកដល់ទៅទៀត។
បន្ទាប់ពីលោកបៃដិនបានសួរអំពីជម្រើសសម្រាប់ដោះស្រាយជាមួយវា កាលពីថ្ងៃពុធ លោកអូស្ទីន ដែលកំពុងស្ថិតនៅហ្វីលីពីន បានធ្វើការពិភាក្សាជាមួយមន្ត្រីជាន់ខ្ពស់របស់មន្ទីរបញ្ចកោណ។
យន្តហោះចម្បាំងត្រូវបានបញ្ជូនទៅពិនិត្យមើលបាឡុង ខណៈវាកំពុងហោះនៅលើរដ្ឋម៉ុងតាណា (Montana)ចំពេលការពិភាក្សាគ្នាត្រូវបានធ្វើឡើង៕
បាឡុងពណ៌ស ដែលមន្ត្រីអាម៉េរិកចោទថាជាឧបករណ៍ចាករម្មចិនកំពុងហោះនៅលើរដ្ឋម៉ុងតាណា
Everyone wants a glimpse of the Chinese spy balloon, it’s gonna be THE raging internet trend for the next few days assuming the air force doesn’t shoot it down. If you’re not on your lawn getting noisy shots of every speck in the sky, you’re missing out. pic.twitter.com/SA630Tfgy6
— Alejandro Alvarez (@aletweetsnews) February 2, 2023
