Cambodia

មន្ត្រីនគរបាលឈ្មោះ ម៉ៅ វីរៈ ហៅចំរើន រងការចោទប្រកាន់ថា បានចាប់រំលោភក្មេងស្រីអាយុ១៥ឆ្នាំ តែមិនបានសម្រេច

ឪពុកម្តាយក្មេងស្រីអាយុ ១៥ឆ្នាំម្នាក់ បានដាក់ពាក្យបណ្តឹងប្តឹងឈ្មោះ ម៉ៅ វីរៈ ហៅចំរើន អាយុ៣៥ឆ្នាំ ជាមន្ត្រីនគរបាលប៉ុស្តិ៍អង្គតាសូ បច្ចុប្បន្នរស់នៅភូមិដុម្ភិរ ឃុំគោកព្រីង ស្រុកស្វាយជ្រុំ ខេត្តស្វាយរៀង ទៅព្រះរាជអាជ្ញាអមសាលាដំបូងខេត្តស្វាយរៀង ពីបទ «រំលោភសេពសន្ថវៈតែមិនបានសម្រេច»។

ប្រភពបញ្ជាក់ថា រាល់ថ្ងៃនេះ គេឃើញជនសង្ស័យរូបនេះ កំពុងដើរហើរពេញភូមិ ធ្វើហាក់ដូចជាគ្មានរឿងអ្វីកើតឡើង។

ក្រុមគ្រួសារជនរងគ្រោះ បាននិយាយនៅរសៀលថ្ងៃទី២៤ ខែកញ្ញា ឆ្នាំ២០២០នេះ ដោយស្នើឲ្យសមត្ថកិច្ច ជាពិសេសតុលាការជួយផ្តល់យុត្តិធម៌ នាំខ្លួនជនល្មើសមកផ្តន្ទាទោសតាមច្បាប់។

លោកបន្តថា ថ្វីត្បិតជនល្មើសជាមន្ត្រីនគរបាលរូបនេះ ធ្វើសកម្មភាពរំលោភសេពសន្ថវៈកូនស្រី របស់លោកមិនបានសម្រេចបែបណាក្តី ក៏ប៉ុន្តែរូបគាត់មានការឈឺចាប់បំផុត។ 

អាណាព្យាបាលរូបនេះ ឲ្យដឹងថា សព្វថ្ងៃនេះ គេឃើញជនល្មើស ដែលចាប់រំលោភកូនស្រី របស់គាត់ កំពុងដើរហើរពេញភូមិ ធ្វើហាក់ដូចគ្មានរឿងអ្វីកើតឡើង ទោះបីរូបគាត់បានដាក់ពាក្យបណ្តឹងរួចហើយក៏ដោយ។

គ្រួសារជនរងគ្រោះ អះអាងបន្តទៀតថា ហេតុការណ៍នេះ បានកើតឡើងតាំងពីយប់ថ្ងៃទី១៩ ខែកក្កដា ឆ្នាំ២០២០ នៅចំណុចផ្ទះជនរងគ្រោះស្ថិតនៅភូមិដុម្ភិរ ឃុំគោកព្រីង ស្រុកស្វាយជ្រុំ ខេត្តស្វាយរៀង។ 

អាណាព្យាបាលរូបនេះ បន្តថា សំណុំរឿងកូនស្រី របស់គាត់នេះ ឃើញខាងមន្ត្រីនគរបាលប្រឆាំងការជួញដូរមនុស្ស និងការពារអនីតិជន នៃស្នងការដ្ឋាននគរបាលខេត្តស្វាយរៀង បានហៅពួកគាត់ទៅជួបនិងស្នើសុំឲ្យធ្វើការសម្របសម្រួលគ្នា ប៉ុន្តែពួកគាត់មិនព្រមទេ ដោយសារទង្វើ របស់ឈ្មោះ ម៉ៅ វីរៈ ហៅចំរើន ធ្វើឲ្យពួកគាត់មានការឈឺចាប់ខ្លាំង ទើបសម្រេចចិត្តប្តឹងមកតុលាការ តែម្តង ។

អាណាព្យាបាលស្ត្រីរងគ្រោះ បន្តថា រាល់ថ្ងៃនេះ ក្រុមគ្រួសារគាត់កំពុងរង់ចាំយុត្តិធម៌ពីស្ថាប័នតុលាការផ្តល់ជូនកូនស្រីគាត់ ប៉ុន្តែហាក់មិនទាន់មានពន្លឺនៅឡើយទេ។ ខណៈជនល្មើស នៅមានសេរីភាពដើរហើរពេញភូមិ ធ្វើដូចជាគ្មានរឿងអ្វីកើតឡើង។ 

ផ្តើមពីបញ្ហានេះ ក្រុមគ្រួសារជនរងគ្រោះ រំពឹងថា ថ្នាក់ដឹកនាំ ក្រសួងស្ថាប័នពាក់ព័ន្ធ និងសាលាដំបូងខេត្តស្វាយរៀង មេត្តាជួយរកយុត្តិធម៌ឲ្យពួកគាត់ ដោយអនុគ្រោះផង៕

© 2020, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.

Football news:

The reforms of Manchester United and Liverpool are reminiscent of the history of the Premier League. Then the tops got tired of social justice and wanted freedom
Thomas Muller: Bayern are confident, we are in good shape
Anton Miranchuk about the match with Bayern: we Go out to win and set the highest goals
Frankie de Jong: life in Barcelona is so pleasant that it may seem as if you are on vacation for a whole year
Donnarumma, Hauge and three members of the Milan team were infected with the coronavirus
The 37-year-old Ribery is at the top of Serie A in pressing, dribbling, speed and assists. And educates young and thinking about becoming a coach
Real Madrid want to resolve the issue of Ramos' contract as soon as possible