Views: 9
ដោយៈមុនីរ័ត្ន – វណ្ណៈ / ភ្នំពេញៈ នាវាស្វ័យការពារជើងទឹកជប៉ុន មួយរឿង បានចូលចត នៅកំពង់ផែស្វយ័ត ក្រុងព្រះសីហនុ នៅព្រឹកថ្ងៃទី២៨ ខែមីនា ឆ្នាំ២០២៣ នេះ ។ ការចូលចតរបស់នាវាចម្បាំងជប៉ុននេះ គឺមានរយៈពេល ៣ ថ្ងៃ ចាប់ពីថ្ងៃទី ២៨-៣០ ខែមីនា ឆ្នាំ២០២៣ គឺដើម្បីរឹតចំណងមិត្តភាព រវាងកងទ័ពជើងទឹក នៃប្រទេសទាំងពីរ។
នាវាស្វ័យការពារជើងទឹកជប៉ុននេះ មានឈ្មោះ KIRISAME-(DD-104) ផ្ទុកមនុសុសចំនួន ១៧០ នាក់ ហើយមានបណ្ដោយ ១៥១ ម៉ែត្រ និងទទឹង ១៧.៤ ម៉ែត្រ ក្នុងនោះ ជម្រៅទឹក៩ម៉ែត្រ និងទំងន់ផ្ទុក ៤៥៥០ តោន។ រីឯ Speed ៣០knots=៥៦km/h និងមានឧទ្ធម្ភាគចក្រ (Helicopter) មួយគ្រឿង ដឹកនាំដោយមេបញ្ជាការនាវា លោកវរនាវីឯក MAKI TAKAYUKI ។
សូមជម្រាបថា ការចូលចតរបស់នាវាស្វ័យការពារជប៉ុន គឺបន្ទាប់ពីនាវាឃ្លាំមើល ផ្ទៃសមុទ្រ នៃកងទ័ពជើងទឹកបារាំង ឈ្មោះ PRAIRIAL-(F731) បានចូលចត នៅកំពង់ផែស្វយ័តក្រុងព្រះសីហនុ ពីថ្ងៃទី ២៤-២៨ ខែមីនា ឆ្នាំ២០២៣ ដើម្បីពង្រឹងចំណងមិត្តភាព និងកិច្ចសហប្រតិបត្ដិ ការជាមួយកងទ័ពកម្ពុជា។
ចំណែកនាវាកងទ័ពជើងទឹក រំដោះប្រជាជនចិន ចំនួន១គ្រឿង លេខ៩៩៩ ជាប្រភេទ នាវាពហុមុខងារ Type-071 ដឹកនាំដោយលោកឧត្តមសេនីយ៍ ទោ ជិន មិនធាន នាយសេនាធិការរង កងទ័ពជេីងគោក ភាគខាងត្បូង នៃកងទ័ពរំដោះ ប្រជាជនចិន បានចូលចតនៅកំពង់ផែស្វយ័ត ក្រុងព្រះសីហនុ កាលពីថ្ងៃទី១៩ ខែមីនា ឆ្នាំ២០២៣ ៕/V
V / N
