Cambodia
This article was added by the user . TheWorldNews is not responsible for the content of the platform.

នាយករដ្ឋមន្ត្រី​សិង្ហ​បុរី​ឆ្លងកូវី​ដលើក​ទីពីរ ក្នុងករណី​លាប់​ជំងឺ​ដ៏​កម្រ​

Views: 7

ប្រែ​សម្រួលៈ​បំណង​(​ដេល្លី​ម៉េល​)៖ នាយករដ្ឋមន្ត្រី​សិង្ហ​បុរី​លោក លី សៀន​ឡុង បាន​និយាយ​កាលពី​ថ្ងៃ​ព្រហស្បតិ៍​ទី​១​មិថុនា​ថា លោក​បាន​តេស្តិ៍​ឃើញ​វិជ្ជមាន​ជំងឺ​កូវី​ដ​១៩​ជា​លើក​ទី​ពីរ​ក្នុង​រយៈពេល​​មិន​ដល់​កន្លះ​ខែ​ផង ក្នុង​អ្វី​ដែល​អាច​ជា​ការ​លាប់​ជំងឺ​ដ៏​កម្រ​មួយ​។​

​លោក​លី អាយុ​៧១​ឆ្នាំ ត្រូវ​បាន​ពិនិត្យឃើញ​មានកូ​វីដ​១៩​លើកដំបូង​កាលពី​ថ្ងៃ​២២​ឧសភា ក្រោយ​ធ្វើ​ដំណើរ​ការងារ​ទៅកាន់​អាហ្វ្រិក​និង​អាស៊ី​។​លោក​បាន​ពិនិត្យ​លែង​ឃើញ​មាន​ជំងឺ​នេះ​នៅ​ប្រាំមួយ​​ថ្ងៃក្រោយ តែ​ក្នុង​ការ​បង្ហោះ​សារ​ក្នុង​ទំព័រ​ហ្វេ​សប៊ុក​កាលពី​ថ្ងៃ​ព្រហស្បតិ៍ លោក​លោក​បាន​បង្ហាញ​រូបថត​លោក​និង​បន្ទះ​តេស្តិ៍​រហ័ស​បង្ហាញ​សញ្ញា​ក្រហម​ពីរ​ឆ្នូត​។​

​ក្នុង​សារ​បង្ហោះ​លោក​បាន​និយាយថា​«ខ្ញុំ​មាន​អារម្មណ៍ល្អ​ទេ តែខ្ញុំ​សង្ស័យ​ថា​កើតកូ​វីដ​១៩​ជាថ្មី​។​ក្រុម​គ្រូពេទ្យ​របស់​ខ្ញុំ​និយាយថា វា​ជា​ការ​លាប់​ជំងឺ​កូវី​ដ​១៩ ដែល​កើតមាន​លើ​អ្នកជំងឺ​ប្រាំ​ទៅ​ដប់​ភាគរយ​​ប៉ុណ្ណោះ​»​។​

​លោក​លី​បាន​និយាយថា លោក​ត្រូវបាន​ប្រាប់​អោយ​ដាក់​ខ្លួន​នៅ​ដាច់​ពី​គេ ដោយសារ​វីរុស​នេះ​នៅ​ចម្លង ទោះជា​ហានិភ័យ​ទាប​ជាង​បើ​ធៀប​នឹង​ការឆ្លង​ពីដំបូង​។​

​ក្នុង​ការ​ពិនិត្យ​ឃើញ​លើកដំបូង លោក​លី បាន​ប្រើ​ថ្នាំ​ប្រឆាំង​វីរុស​Paxlovid​ដោយសារ​វ័យ​របស់លោក​។​ពេលនេះ​លោក​មិន​បាន​បញ្ជាក់​ថា​ប្រើ​ឳ​សថ​អ្វី​ទេ តែ​ថា​លោក​បាន​ចាក់​វ៉ាក់សាំង​ដូស​ជំរុញ​កាលពី​​ខែវិច្ឆិកា​ឆ្នាំ​មុន និង​បាន​អំពាវនាវ​អោយ​ប្រជាជន​សិង្ហ​បុរី​បន្ត​ចាក់​វ៉ា​សាំង​ដូស​ជំរុញ​ដើម្បី​បន្ថយ​ហានិភ័យ​នៃ​ការ​ធ្លាក់ខ្លួន​ឈឺ​ធ្ងន់​៕

នាយករដ្ឋមន្ត្រី​សិង្ហ​បុរី​លោក លី សៀន​ឡុង ក្នុង​កិច្ចប្រជុំ​មួយ​កាលពី​ឆ្នាំមុន​

Post navigation