Views: 1
ដោយ៖ សុវណ្ណកុម្ភៈ / ភ្នំពេញ៖ បន្ទាប់ពីបញ្ចប់បេសកកម្ម ក្នុងព្រឹត្តិការណ៍ Merlion Cup 2023 នៅប្រទេសសឹង្ហបូរី នៅថ្ងៃទី២៧មីនានេះ ក្រុមកម្ពុជា វិលត្រឡប់មកមាតុប្រទេសវិញហើយ។
ក្នុងព្រឹត្តិការណ៍នោះ កម្ពុជា ប្រជែងបានចំណាត់ថ្នាក់លេខ៣ បន្ទាប់ពីយកឈ្នះ ក្រុមម្ចាស់ផ្ទះ ២ទល់១ កាលពីម្សិលមិញមកនោះ។ព្រឹត្តិការណ៍នេះ មានប្រទេសចំនួន ៤ ចូលរួម គឺក្រុមម្ចាស់ផ្ទះសឹង្ហបូរី កម្ពុជា ម៉ាឡេស៊ី និងហុងកុង ។ កម្ពុជា លេង ២ ប្រកួត ដែលមួយប្រកួតដំបូង ចាញ់ក្រុមម៉ាឡេស៊ី ២ទល់៤ ។
បន្ទាប់ពីបញ្ចប់បេសកកម្មនេះ ក្រុមកម្ពុជា នឹងត្រូវចេញទៅបោះជម្រំហ្វឹកហាត់ នៅប្រទេសថៃវិញ រហូតដល់ស៊ីហ្គេម មកដល់៕/V-PC
