Views: 19
ប្រែសម្រួល : កញ្ញាដាលីស (ដេល្លីម៉េល) ៖ នីម៉ាបានស៊ុតបញ្ចូលទីគ្រាប់ទី ៧៨ និង ៧៩ បំបែកឯតទគ្គកម្មរបស់ខ្លួនសម្រាប់ប្រេស៊ីលក្នុងការប្រកួតឈ្នះជម្រុះ World Cup ៥-១ លើបូលីវីកាលពីថ្ងៃសុក្រ។
គ្រាប់បាល់របស់នីម៉ាក្នុងទីក្រុងបេឡេម (Belem) ក្នុងតំបន់អាម៉ាហ្សូន បានធ្វើឱ្យរូបគេលើសគ្រាប់បាល់សរុប ២ គ្រាប់លើម្ចាស់ជ័យលាភីពាន World Cup បីសម័យកាលលោកប៉េឡេ ក្នុងនាមជាអ្នកស៊ុតបញ្ចូលទីបានច្រើនជាងគេសម្រាប់ក្រុមសាំបា។
មុននេះ អ៊ុយរូហ្គាយបានយកឈ្នះឈីលីក្នុងលទ្ធផល ៣-១ ក្នុងទីក្រុងម៉ុងតេវីដេអូ (Montevideo) ក្នុងការប្រកួតផ្លូវការដំបូងរបស់គ្រូបង្វឹក ម៉ាសេឡូ ប៊ែលសា (Marcelo Bielsa) សម្រាប់ក្រុមម្ចាស់ផ្ទះ។ អ៊ុយរូហ្គាយមិនដាក់ខ្សែប្រយុទ្ធជើងចាស់ពីរនាក់របស់ខ្លួនទេ គឺ អេឌីនសុន ខាវ៉ានី (Edinson Cavani) និង ល្វីស ស្វារ៉េស (Luis Suárez) ខណៈក្រុមនេះឆ្លងកាត់ដំណើរការកសាងឡើងវិញក្រោមការដឹកនាំរបស់គ្រូបង្វឹកអាហ្សង់ទីន។
ក្រុមទាំង ១០ ក្នុងតំបន់នឹងប្រកួតជុំទីពីររបស់ពួកគេនៅថ្ងៃអង្គារ។
ការប្រកួត World Cup ឆ្នាំ ២០២៦ នៅសហរដ្ឋអាម៉េរិក ម៉ិកស៊ិក និងកាណាដា នឹងពង្រីករហូតដល់ ៤៨ ក្រុម។ ក្រុមនាំមុខគេចំនួន៦នៅអាម៉េរិកខាងត្បូងនឹងទទួលបានកៅអីស្វ័យប្រវត្តិ។ ក្រុមលេខ៧នឹងលេង Playoff អន្តរទ្វីបសម្រាប់កន្លះកៅអីទៀត៕
នីម៉ាស៊ុតចូល ៧៩ គ្រាប់ច្រើនជាងគេសម្រាប់ជម្រើសជាតិប្រេស៊ីល
