Views: 1
ប្រែសម្រួល : កញ្ញាដាលីស (ប៊ីប៊ីស៊ី) ៖ និស្សិតសាកលវិទ្យាល័យមួយក្នុងប្រទេសជប៉ុនបានស្លៀកពាក់ជាលោក វ៉ូឡូឌីមៀ ហ្សេលេនស្គី សម្រាប់ពិធីបញ្ចប់ការសិក្សារបស់គាត់។
បុរសរូបនេះបានពាក់អាវដៃវែងពណ៌អាចម៍សេះរបស់ប្រធានាធិបតីអ៊ុយក្រែន និងខោត្រូវគ្នាជាមួយអាវ ហើយបានប្រាប់បណ្តាញទូរទស្សន៍ជប៉ុនយ៉ូមូអ៊ុរី( Yomiuri) ថាគាត់កំពុងប្រឹងបណ្តុះពុកមាត់។
សម្លៀកបំពាក់របស់គាត់គឺជាផ្នែកមួយនៃពិធីបញ្ចប់ការសិក្សាដ៏ពិសេសរបស់សាកលវិទ្យាល័យក្យូតូ ដែលអនុញ្ញាតឱ្យនិស្សិតស្លៀកពាក់អ្វីក៏បានឱ្យតែពួកគេចង់។
ហើយពិតណាស់ពួកគេនឹងប្រឹងលេងស្ទីលឱ្យអស់ដៃ។
ប៉ុន្មានឆ្នាំមកនេះ ទំនៀមទម្លាប់ដ៏ចម្លែកនិងអស្ចារ្យនេះបានឃើញមនុស្សមកពីគ្រប់ប្រភេទឈុតរាប់ចាប់ពីឈុតក្នុងរឿង Where’s Wally រហូតដល់ឈុត Pokémon និងសូម្បីព្រះយេស៊ូ ក៏មកទទួលសញ្ញាប័ត្ររបស់ពួកគេនៅសាកលវិទ្យាល័យដែរ។
និស្សិត ដែលគេទើបដឹងឈ្មោះនៅលើ Twitter ថា អាមីគី (Amiki) បានប្រាប់ប្រព័ន្ធផ្សព្វផ្សាយជប៉ុនថា គាត់បានស្លៀកពាក់ជាលោកហ្សេលេនស្គីដើម្បីបង្ហាញពីសាមគ្គីភាពជាមួយអ៊ុយក្រែន។
គាត់បានប្រាប់ទូរទស្សន៍ Yomiuri ថា “ចាប់តាំងពីខែធ្នូ នៅពេលដែលខ្ញុំដុះពុកចង្ការ ខ្ញុំត្រូវគេប្រាប់ថាខ្ញុំមើលទៅដូចជាប្រធានាធិបតីហ្សេលេនស្គី”។
និស្សិតបញ្ចប់ការសិក្សារូបនេះក៏បានកាន់ស្លាកសញ្ញាបង្ហាញសារគាំទ្រនិងសម្រង់សម្ដីពីសុន្ទរកថារបស់ប្រធានាធិបតីរូបនេះទៅកាន់សភាអាម៉េរិកក្នុងខែធ្នូផងដែរ៕
អាគីមីតែងខ្លួនដូចលោកហ្សេលេនស្គីនៅថ្ងៃទទួលសញ្ញាប័ត្រ