Views: 2
ដោយ៖ដេប៉ូ/ភ្នំពេញ៖បេក្ខជនជាព្រះសង្ឃនៅតាមបណ្តារាជធានី-ខេត្តនានា បានចូលរួមក្នុងការប្រឡងសញ្ញាបត្រមធ្យមសិក្សាទុតិយភូមិសម័យប្រឡង ០៥ ធ្នូ ២០២២ ក្រោមការសម្របសម្រួលពីមន្ទីរធម្មការ និងសាសនា រាជធានី-ខេត្ត។ នេះបើតាមការបញ្ជាក់ឱ្យដឹងពីក្រសួងអប់រំយុវជននិងកីឡា។
គួរបញ្ជាក់ថាក្នុងការប្រឡងបាក់ឌុបពីរថ្ងៃនេះក្រសួងអប់រំបានបង្ហាញពីវត្តមានព្រះសង្ឃបានចូលរួមប្រឡងសញ្ញាបត្របាក់ឌុបច្រើនអង្គ ដែលជាផ្នែកមួយក្នុងការឈានទៅការបន្តសិក្សាថ្នាក់ឧត្តមសិក្សា និងក៏ដូចជាចាប់មុខជំនាញវិជ្ជាជីវៈណាមួយក្នុងថ្ងៃខាងមុខ។
ក្រសួងអប់បានបញ្ជាក់ដែរថា៖ ដើម្បីធានាបានថាការប្រឡងប្រព្រឹត្តទៅដោយរលូន ក្រសួងអប់រំ យុវជន និងកីឡាបានពង្រឹងកិច្ចសហការយ៉ាងស្អិតរមួតជាមួយក្រសួង-ស្ថាប័នពាក់ព័ន្ធដែលមានដូចជា ក្រសួងមហាផ្ទៃ ក្រសួងសុខាភិបាល កងរាជអាវុធហត្ថ អង្គភាពប្រឆាំងអំពើពុករលួយ សហភាពសហព័ន្ធយុវជនកម្ពុជា និងអគ្គិសនីកម្ពុជា។
គួរបញ្ជាក់ថា៖សម្រាប់ដំណើរការសំណេរនាព្រឹកនេះ មានពីរមុខវិជ្ជាគឺ៖ សម្រាប់ថ្នាក់វិទ្យាសាស្ត្រ (អក្សរសាស្ត្រខ្មែរ និង រូបវិទ្យា) សម្រាប់ ថ្នាក់ វិទ្យាសាស្ត្រ សង្គម (គណិតវិទ្យា និង សីលធម៌-ពលរដ្ឋវិជ្ជា)៕/R