Views: 2
ប្រែសម្រួលៈបំណង(ស្ត្រេតថែមស៍)៖រដ្ឋាភិបាលទីក្រុងមូស្គូបានថ្កោលទោសថាជាអំពើវិច្ឆេទកម្មនិងរដ្ឋាភិបាលទីក្រុងគៀវបានព្រលយអំពីលទ្ធភាពអំពីការផ្ទុះថ្មីកាលពីថ្ងៃអង្គារទី១៦សីហានៅមូលដ្ឋានទ័ពមួយនៅតំបន់គ្រីម៉េដែលជាផ្លូវផ្គត់ផ្គង់ដ៏សំខាន់សំរាប់សង្គ្រាមរបស់រុស្ស៊ីនៅអ៊ុយក្រែន។
ការផ្ទុះបានបំផ្លាញឃ្លាំងគ្រាប់នៅមូលដ្ឋានយោធាមួយនៅខាងជើងឧបទ្វីបគ្រីម៉េ ដោយរារាំងរថភ្លើងនិងបង្ខំអោយជម្លៀសមនុស្សប្រមាណ២.០០០នាក់ពីភូមិនៅក្បែរនោះមួយ។
កាសែតកុំមែរសង់ត៍(Kommersant)របស់រុស្ស៊ីបាននិយាយថា កំសួលផ្សែងក្រោយមកត្រូវបានគេមើលឃើញហុយចេញពីមូលដ្ឋានយោធានៅគ្រីម៉េភាគកណ្តាល នៅពេលការផ្ទុះកើតមាននៅទីតាំងមួយទៀតនៅភាគខាងលិចកាលពីសប្តាហ៍មុន។
ការផ្ទុះនេះនាំអោយគេនឹកដល់របត់ថ្មីនៃនៃសង្គ្រាមចំណាស់ប្រាំមួយខែមកនេះ បើសិនជាអ៊ុយក្រែនមានលទ្ធភាពវាយប្រហារចូលកាន់តែជ្រៅទៅក្នុងទឹកដីដែលរុស្ស៊ីកាន់កាប់ ឬក្រុមគាំទ្រអ៊ុយក្រែនមានលទ្ធភាពវាយប្រហារស្ទីលឧទ្ទាម។
សូមបញ្ជាក់ថា រុស្ស៊ីប្រើប្រាស់គ្រីម៉េ ដែលខ្លួនចាប់យកនិងដាក់ជាឧបសម្ពន្ធនៅឆ្នាំ២០១៤សំរាប់បន្ថែមកម្លាំងទាហាននិងគ្រឿងបរិក្ខាយោធាទៅចូលរួមប្រយុទ្ធនៅអ៊ុយក្រែនជាអ្វីដែលរដ្ឋាភិបាលទីក្រុងគៀវចង់រារាំងជាយូរមកហើយ។
គ្រីម៉េ ជាមូលដ្ឋានកងនាវាសមុទ្រខ្មៅរបស់រុស្ស៊ី និងក៏ជារមណីយដ្ឋានរដូវក្តៅដ៏ពេញនិយមមួយផងដែរ។
ក្នុងការផ្ទុះកាលពីថ្ងៃអង្គារ ក៏បណ្តាលអោយអនុស្ថានីយចែកចាយចរន្តអគ្គិសនីមួយក៏បានផ្ទុះឆេះ។រថភ្លើងចំនួនប្រាំពីរត្រូវបានពន្យារពេលចេញដំណើរនិងសេវារថភ្លើងនៅខ្សែខាងជើងត្រូវបានផ្អាក នេះបើតាមសារព័ត៌មានរុស្ស៊ី។
អ៊ុយក្រែននៅមិនទាន់ប្រកាសទទួលស្គាល់ឬបដិសេធការជាប់ពាក់ព័ន្ធជាផ្លូវការចំពោះការផ្ទុះនេះនៅឡើយទេ តែមន្ត្រីអ៊ុយក្រែនបានអបអរវា៕
ក្រសួងការពារជាតិរុស្ស៊ីបាននិយាយថា ការផ្ទុះនៅឃ្លាំងគ្រាប់នៅគ្រីម៉េជាលទ្ធផលនៃការធ្វើវិច្ឆេទកម្ម
