Views: 12
ប្រែសម្រួលៈបំណង(ស្ត្រេតថែមស៍)៖ មន្ត្រីនៅក្រុងញូវយ៉កមានផែនការបិទផ្លូវសំខាន់ៗនៅសង្កាត់ឡូវើ ម៉ាន់ហាតថាន់(Lower Manhattan) ជាវិធានការសន្តិសុខនៅពេលអតីតប្រធានាធិបតីដូណាល់ ត្រាំ ឡើងតុលាការនៅថ្ងៃអង្គារ នេះបើតាមការទម្លាយអោយដឹងពីអ្នកដឹងរឿងម្នាក់។
វិថីជាច្រើននៅជុំវិញតុលាការម៉ាន់ហាតថាន់ រួមមានវិថីCentre Street និង Baxter Streetត្រូវរំពឹងថានឹងត្រូវបិទមិនអោយធ្វើចរាចរណ៍ នៅពេលផ្លូវជុំវិញនោះក៏នឹងត្រូវបិទម្តងម្កាលផងដែរ។
ក្នុងពេលជាមួយគ្នា នាយកដ្ឋានប៉ូលីសក្រុងបានបញ្ជាអោយប៉ូលីសរបស់ខ្លួន៣៦.០០០នាក់ត្រៀមខ្លួនសំរាប់ការដាក់ពង្រាយនៅសប្តាហ៍ក្រោយ នេះបើតាមសារព័ត៌មានNBC News បានរាយការណ៍កាលពីថ្ងៃសុក្រ។
អ្នកនាំពាក្យនាយកដ្ឋានបានប្រាប់ទីភ្នាក់ងារសារព័ត៌មានបារាំងថា «ប៉ូលីសកំពុងដាក់អោយស្ថិតក្នុងស្ថានភាពប្រុងជើងការខ្ពស់»ដើម្បីធានាថាគ្រប់គ្នាអាចអនុវត្តសិទ្ធិរបស់គេដោយអហិង្សា។
ត្រាំ វ័យ៧៦ឆ្នាំ ត្រូវបង្ហាញខ្លួនដើម្បីផ្តិតម្រាមដៃនិងថតរូប នៅតុលាការសង្កាត់ម៉ាន់ហាតថាន់នៅរសៀលថ្ងៃអង្គារ មុនបង្ហាញខ្លួននៅចំពោះមុខចៅក្រម។
បណ្តឹងប្តឹងដោយរដ្ឋអាជ្ញាសង្កាត់ញូវយ៉ក លោក អាល់វីន ប្រ៊ែក(Alvin Bragg )ដែលគេជឿថាជាប់ពាក់ព័ន្ធនឹងការចោទប្រកាន់ថាលោកត្រាំបានបង់លុយ១៣០.០០០ដុល្លារដើម្បីកុំអោយតារាសិចម្នាក់និយាយថានាងធ្លាប់បានដេកជាមួយលោក នៅមុនការជាប់ឆ្នោតរបស់លោកជាប្រធានាធិបតីអាម៉េរិកក្នុងឆ្នាំ២០១៦។
អតីតប្រធានាធិបតីរូបនេះនិងអ្នកគាំទ្រលោកចាត់ទុកបណ្តឹងនេះថាជា«ការធ្វើទុក្ខបុកម្នេញខាងនយោបាយ»មុនការបោះឆ្នោតប្រធានាធិបតីឆ្នាំ២០២៤ និងការប្រឆាំងតវ៉ាពីអ្នកគាំទ្ររបស់លោកនាំអោយមានការព្រួយបារម្ភអំពីចលាចល។
ពួកអ្នកគាំទ្រលោកត្រាំ រួមមានសមាជិកសភា ថៃល័រ ហ្គ្រីន (Taylor Greene)បានប្រកាសផែនការធ្វើការតវ៉ាក្នុងពេលលោកត្រាំឡើងតុលាការ៕
ប៉ូលីសក្រុងញូវយ៉កត្រៀមខ្លួន នៅពេលត្រាំត្រូវឡើងតុលាការនៅថ្ងៃ០៣មេសា។ភ្នាក់ងារសម្ងាត់រួមជាមួយប៉ូលីសចុះពិនិត្យទីតាំងជុំវិញអាគារតុលាការក្រុងញូវយ៉ក
ត្រាំបានព្រមានរួចហើយថាអាចផ្ទុះអំពើហិង្សាបើសិនជាលោកត្រូវបានចោទប្រកាន់ផ្លូវការ ជុំវិញការអះអាងរបស់នាងស្តមមី ដានៀលស៍
