Views: 4
ប្រែសម្រួលៈបំណង(ដេល្លីម៉េល)៖ ស្ថានទូតអ៊ុយក្រែននៅទីក្រុងម៉ាឌ្រីតបានទទួលកញ្ចប់មួយផ្ទុកភ្នែកសត្វកាលពីថ្ងៃសុក្រ ។វាជាឧបទ្ទវហេតុស្រដៀងគ្នាចុងក្រោយមួយបន្ទាប់ពី«កញ្ចប់បញ្ញើឈាម»ត្រូវបានបញ្ជូនទៅអោយស្ថានបេសកកម្មការទូតរបស់អ៊ុយក្រែននៅទូទាំងអឺរ៉ុប។
កាលពីថ្ងៃសុក្រ ប៉ូលីសបានបិទតំបន់មួយក្នុងរដ្ឋធានីអេស្ប៉ាញនិងបានចាប់ផ្តើមឆែកឆេរពិនិត្យតំបន់នោះជាមួយនឹងឆ្កែហិតក្លិន។
កញ្ចប់បញ្ញើដែលប្រឡាក់ជោគជាំដោយទឹកឈាមនិងក្លិន ត្រូវបានបញ្ជូនទៅកាន់ស្ថានទូតអ៊ុយក្រែននៅហុងគ្រី ហូឡង់ ប៉ូឡូញ ក្រូអាស៊ីនិងអ៊ីតាលីព្រមទាំងស្ថានកុងស៊ុលនៅទីក្រុងណាប(Naples)ក្រាកូវ(Krakow)និងព្រែណូ(Brno)។
អូឡេក នីកូឡេនកូ(Oleg Nikolenko)អ្នកនាំពាក្យក្រសួងការបរទេសអ៊ុយក្រែនបាននិយាយថា«យើងកំពុងសិក្សាអត្ថន័យនៃសារទាំងនេះ»។
ការបញ្ជូនកញ្ចប់ឈាមនេះកើតឡើងក្រោយពីគ្រាប់បែកបង្កប់ក្នុងស្រោមសំបុត្រចំនួនប្រាំមួយត្រូវបានបញ្ជូនកាលពីសប្តាហ៍មុនទៅកាន់អស័យដ្ឋាននានានៅអេស្ប៉ាញ រួមមានស្ថានទូតអ៊ុយក្រែននៅទីក្រុងម៉ាឌ្រីត នាយកដ្ឋមន្ត្រី ប៉េដ្រូ សាន់ឆេស(Pedro Sanchez )និងស្ថានទូតអាម៉េរិកប្រចាំទីក្រុងម៉ាឌ្រីត ជាហេតុនាំអោយអេស្ប៉ាញបង្កើនសន្តិសុខ។
លោក នីកូឡេនកូ បាននិយាយថា ផ្លូវចូលផ្ទះមួយរបស់ឯកអគ្គរដ្ឋទូតប្រចាំបុរីវ៉ាទីកង់ក្នុងទីក្រុងរ៉ូមរបស់អ៊ីតាលីត្រូវធ្វើអោយប្រឡាក់ជាមួយនឹងលាមកមនុស្ស នៅពេលស្ថានទូតនៅកាហ្សាក់ស្ថានបានទទួលការគំរាមបំផ្ទុះគ្រាប់បែក។
លោកបានបន្តថា ស្ថានទូតអ៊ុយក្រែននៅអាម៉េរិកបានទទួលលិខិតគំរាមមួយពាក់ព័ន្ធនឹងអ៊ុយក្រែន៕
នៅក្រុងម៉ាឌករីត បុគ្គលិកសន្តិសុខនៅស្ថានទូតអ៊ុយក្រែនបានប្រទះឃើញកញ្ចប់បញ្ញើសង្ស័យ តែក្រុមជំនាញគ្រាប់ផ្ទុះបានបញ្ជូនទៅពិនិត្យតែមិនបានរកឃើញគ្រឿងផ្ទុះអីទេ
