Cambodia

បញ្ជាការ​កងទ័ពជើងគោក​ថា កង​យោធពលខេមរភូមិន្ទ​នៅ​តែ​ចាត់​ទុក​វិស័យ​ហ្វឹកហ្វឺន​សំខាន់​ចាំបាច់

ខេត្តកំពង់ស្ពឺ ៖ ឧត្តមសេនីយ៍ឯក ហ៊ុន ម៉ា​ណែ​ត អគ្គមេបញ្ជាការ​រង​នៃ​កង​យោធពលខេមរភូមិន្ទ មេបញ្ជាការ​កងទ័ពជើងគោក​បាន​លើក​ឡើង​ថា កង​យោធពលខេមរភូមិន្ទ នៅ​តែ​ចាត់​ទុក​វិស័យ​ហ្វឹកហ្វឺន គឺជា​ការងារ​ដ៏​មាន​សារសំខាន់​ចាំបាច់ ដើម្បី​ឆ្លើយ​តប​ទៅ​នឹង​ការ​បន្ត​អនុវត្តន៍​ផែនការ​កែទម្រង់​របស់​ខ្លួន ក្នុង​ន័យ​នេះ​ការងារ​ហ្វឹកហ្វឺន គឺជា​កិច្ចការ​អាទិភាព​ដែល​ត្រូវ​ដំណើរការ​ដូច​ភ្លៀងរលឹម ដើម្បី​ចូលរួម​ចំណែក​អនុវត្ត​គោលនយោបាយ និង​យុទ្ធសាស្ត្រ​ការពារ​ជាតិ​របស់​រាជរដ្ឋាភិបាល​ឱ្យ​ទទួល​បាន​ជោគជ័យ ។

ការ​ថ្លែង​បែប​នេះ ក្នុង​ឱកាស​ដែល​លោក​អញ្ជើញ​ជា​អធិបតី ក្នុង​ពិធី​បិទ​វគ្គ​ហ្វឹកហ្វឺន​ជំនាញ​អង្គរក្ស​ពិសេស ជំនាន់​ទី​២៥, បើក​វគ្គ​ហ្វឹកហ្វឺន​ជំនាញ​អង្គរក្ស​ពិសេស​ជំនាន់​ទី​២៦ និង​សម្ពោធ​សមិទ្ធផល​នានា​នៅ​មជ្ឈមណ្ឌល​ហ្វឹកហ្វឺន​បញ្ជាការដ្ឋាន​អង្គរក្ស (​ភ្នំ​ស្រង់​) ក្នុង​ខេត្តកំពង់ស្ពឺ នា​ព្រឹក​ថ្ងៃ​ទី​២៣ ខែមករា ឆ្នាំ​២០២១​នេះ ។

លោក​ហ៊ុន ម៉ា​ណែ​ត បាន​គូសបញ្ជាក់​ថា កម្លាំង​ដែល​មាន​ស្រាប់ និង​កម្លាំង​បំពេញបន្ថែម​ត្រូវ​ទទួល​បាន​នូវ​ការ​ហ្វឹកហ្វឺន​ពង្រឹងសមត្ថភាព​ឱ្យ​បាន​ជាប់​ជា​ប្រចាំ ហើយ​ចាំបាច់​ទាមទារ​ឱ្យ​ការ​ហ្វឹកហ្វឺន​ទាំងអស់ ត្រូវ​ផ្តោត​លើ​គុណភាព​នៃ​បរិមាណ និង​ការ​ផ្ទេរ​បទ​ពិសោធន៍ ។

ជាក់ស្តែង​វគ្គ​ហ្វឹកហ្វឺន​ទាំងនេះ​បាន​ឆ្លើយ​តប​ចំពោះ​សេចក្តី​ត្រូវការ​ក្នុង​ការ​ពង្រឹង និង​ពង្រីក​សមត្ថភាព​ជំនាញ​របស់​យោធិន ដើម្បី​ធានា​បាន​នូវ​និរន្តរភាព​នៃ​សមត្ថភាព​ក្នុង​ការ​បំពេញភារកិច្ច​ក្នុង​ពេល​ចំពោះ​មុខ និង​រយៈពេល​វែង​របស់​កង​យោធពលខេមរភូមិន្ទ គឺ​ការ​ការពារ​ជាតិ​មាតុភូមិ និង​ប្រជាពលរដ្ឋ និង​ជា​ពិសេស​ការ​បំពេញភារកិច្ច​ស្នូល​របស់​អង្គភាព​ក្នុង​ការ​ការពារ​សន្តិសុខ សុវត្ថិភាព​ជូន​ប្រមុខ​រាជរដ្ឋាភិបាល ព្រមទាំង​ថ្នាក់ដឹកនាំ​ជាតិ​-​អន្តរជាតិ ក្នុង​កិច្ចប្រជុំ និង​ព្រឹត្តិការណ៍​ថ្នាក់​ជាតិ និង​អន្តរជាតិ​នានា ។

លោក​បាន​ធ្វើការ​កោតសរសើរ ចំពោះ​មេបញ្ជាការ ក៏​ដូច​ជា ថ្នាក់ដឹកនាំ​គ្រប់​ជាន់ថ្នាក់​នៃ​បញ្ជាការដ្ឋាន​អង្គរក្ស​ដែល​បាន​ខិតខំ​ប្រឹងប្រែង​ដោះស្រាយ​ច្នៃប្រឌិត​ជម្នះ​ការ​លំបាក​ក្នុង​ការ​កសាង និង​អភិវឌ្ឍ ប្រែ​មុខមាត់​មជ្ឈមណ្ឌល​បញ្ជាការដ្ឋាន​អង្គរក្ស (​ភ្នំ​ស្រង់​) ពី​ទីតាំង​មួយ​ដែល​សំបូរ​ទៅ​ដោយ​កាក​សំណល់​ជាតិ​ផ្ទុះ បន្សល់​ទុក​ដោយសារ​សង្គ្រាម​ឱ្យ​ក្លាយទៅជា​មូលដ្ឋាន​ហ្វឹកហ្វឺន​មួយ​ដ៏​សំខាន់ ដោយ​មាន​សំណង់​ហេដ្ឋារចនាសម្ព័ន្ធ​ចាំបាច់​នានា​ជា​ច្រើន​ដូច​សព្វ​ថ្ងៃនេះ សម្រាប់​បំរើ​ឱ្យ​ការ​កសាង​ធនធានមនុស្ស​ក្នុង​កិច្ច​ការពារ​ជាតិ ។

ជាមួយ​គ្នា​នោះ លោក​ឧត្តមសេនីយ៍ឯក​ហ៊ុន ម៉ា​ណែ​ត ក៏​បាន​ចូលរួម​អបអរសាទរ​ចំពោះ​សមិទ្ធផល​អគារ​គិលានដ្ឋាន ត្រូវ​សម្ពោធ​ដាក់​ឱ្យ​ប្រើប្រាស់​ជា​ផ្លូវការ ដែល​សមិទ្ធផល​នេះ​បាន​ឆ្លុះ​បញ្ចាំង​អំពី​ការ​យកចិត្តទុកដាក់​គិតគូរ​របស់​ថ្នាក់ដឹកនាំ​បញ្ជាការដ្ឋាន​អង្គរក្ស​ចំពោះ​សុខទុក្ខ និង​សុខមាលភាព​របស់​យោធិន​, គ្រួសារ​យោធិន និង​សិក្ខាកាម ដែល​រស់នៅ​បំពេញការងារ និង​ហ្វឹកហ្វឺន​រៀនសូត្រ​នៅ​ក្នុង​មជ្ឈមណ្ឌល​ហ្វឹកហ្វឺន​នេះ ជា​ការ​បង្ក​លក្ខណៈ​ងាយស្រួល​ដល់​ការ​បំពេញភារកិច្ច និង​ការ​ហ្វឹកហ្វឺន​របស់​យោធិន​យើង​ក្នុង​គ្រប់​កាលៈទេសៈ ៕

Football news:

Moreno has 6 goals in his last 5 games for Villarreal
Coach of Zagreb: In the matches with Krasnodar, we showed how good we are. Only the implementation needs to be worked on
Ole Gunnar Solskjaer: Manchester United are waiting for three important weeks, matches with Chelsea, Leicester. We are confident in ourselves
Gattuso on Granada: If Napoli were killing time like this, we would have been smeared in the press
Dzeko is Roma's top scorer in European competitions. He scored the 29th goal and beat Totti
Mikel Arteta: We got to give them two goals. Would hate to fly out of the Europa League
Milan kicked 18 penalties for the season. This is the best result in the top 5 leagues in Europe