Views: 3
ប្រែសម្រួលៈបំណង(ស្ពុតនិច)៖ ចិននិងប្រេស៊ីលបានសំរេចកិច្ចព្រមព្រៀងមួយអំពីការធ្វើពាណិជ្ជកម្មទ្វេភាគីជាប្រាក់យ័នចិន និងមានផែនការពង្រីកកិច្ចសហប្រតិបត្តិការក្នុងវិស័យស្បៀងនិងការយករ៉ែ នេះបើតាមការបញ្ជាក់ពីអនុរដ្ឋមន្ត្រីពាណិជ្ជកម្មចិនលោកហ្គោ ទីងទីង( Guo Tingting)នៅថ្ងៃព្រហស្បតិ៍ទី៣០មីនា។
លោកហ្គោបាននិយាយក្នុងវេទិកាធុរកិច្ចមួយនៅក្រុងប៉េកាំងថា« កិច្ចព្រមព្រៀងមួយលើការទូរទាត់ជាប្រាក់យ័នត្រូវបានចុះហត្ថលេខាជាមួយប្រេស៊ីល ដែលនឹងជួយសម្រួលពាណិជ្ជកម្មរបស់យើងច្រើន។យើងមានគំរោងពង្រីកកិច្ចសហការនៅក្នុងវិស័យស្បៀងនិងអាជីវកម្មរ៉ែ និងស្វះស្វែងរកលទ្ធភាពនាំចេញទំនិញតំលៃបន្ថែមខ្ពស់ពីចិនទៅប្រេស៊ីល និងពីប្រេស៊ីលមកចិន»។
កាលពីថ្ងៃពុធ ប្រេស៊ីលនិងចិនបានប្រកាសបង្កើតស្ថាប័នមួយសំរាប់ទូទាត់ពាណិជ្ជកម្មដោយមិនចាំបាច់ប្រើប្រាក់ដុល្លារ ព្រមទាំងការផ្តល់ប្រាក់កំចីដោយប្រើរូបិយប័ណ្ណជាតិដើម្បីបង្កភាពងាយស្រួលនិងការបន្ថយថ្លៃជួញដូរ ហើយលុបបំបាត់ចោលការពឹងលើដុល្លារនៅក្នុងទំនាក់ទំនងទ្វេភាគី។
ប្រធានាធិបតីប្រេស៊ីលលោក ល្វីស អ៊ីណាស្យូ លូឡា ដា ស៊ីលវ៉ា (Luiz Inacio Lula da Silva)ត្រូវធ្វើទស្សនកិច្ចចិនចាប់ពីថ្ងៃ២៦ដល់៣១មីនាដើម្បីជួបប្រធានាធិបតីចិន ស៊ី ជីនពីងតែ ត្រូវបានលើកពេលទៅខែក្រោយវិញ ដោយសារមានជំងឺ ៕