Views: 23
ប្រែសម្រួលៈបំណង(ដេល្លីម៉េល)៖ ប្រេងឆៅនៅផ្សារអាម៉េរិកកាលពីថ្ងៃព្រហស្បតិ៍ទី២៨កញ្ញាបានហក់ឡើងដល់កំរិតខ្ពស់បំផុតធៀបនឹងថ្លៃប្រេងនៅរយៈពេលជាងមួយឆ្នាំមកនេះនៅពេលស្តុកប្រេងក្នុងឃ្លាំងអាម៉េរិកធ្លាក់ចុះបន្ថែមលើការព្រួយបារម្ភអំពីការផ្គត់ផ្គង់ប្រេងសកលកាន់តែតឹងតែងដោយសារតែការកាត់បន្ថយផលិតកម្មប្រេងពីក្រុមប្រទេសនាំចេញប្រេងហៅថាOPEC+ ។
ប្រេងម៉ាកWTIនៅអាម៉េរិកឡើង៨៥សេន ដល់តំលៃ៩៤,៥៣ដុល្លារក្នុងមួយបារ៉ែល (មួយធុងចំណុះ១៥៨,៩៩លីត្រ)។ប្រេងម៉ាកBrentនៅអាស៊ីឡើង៧៨សេន រហូតដល់ថ្លៃ៩៧,៣៣ដុល្លារ ។
ស្ទេហ្វាណូ ហ្ក្រាសសូ នាយកគ្រប់គ្រងក្រុមហ៊ុន8VantEdgeនៅសិង្ហបុរី បាននិយាយថា « ទីផ្សារប្រេងស្រាប់តែភ្ញាក់ខ្លួនថា ការកាត់បន្ថយប្រេងរបស់OPEC+ដែលត្រូវបានប្រកាសកាលពីរដូវក្តៅ បង្កផលប៉ះពាល់ជ្រាលជ្រៅមួយលើផ្សារនិងស្តុកប្រេង។ស្តុកប្រេងធ្លាក់ចុះនៅពេលសេចក្តីត្រូវការបន្តកើនឡើង…»។
ស្តុកប្រេងអាម៉េរិកបានធ្លាក់ចុះ២,២លានបារ៉ែលកាលពីសប្តាហ៍មុនមកនៅត្រឹម៤១៦,៣លានបារ៉ែល ។ការធ្លាក់ចុះស្តុកប្រេងនៅអាម៉េរិកកើតឡើងក្រោយOPEC+ប្រកាសកាត់បន្ថយការផលិតប្រេង១,៣លានបារ៉ែលក្នុងមួយថ្ងៃរហូតដល់ចុងឆ្នាំ៕