Views: 3
ដោយៈតារារិទ្ធ(សៀមរាប)នៅព្រឹកថ្ងៃ ទី១ ខែតុលានេះសម្តេចអគ្គមហាសេនាបតីតេ ជោ ហ៊ុន សែន នាយករដ្ឋមន្ត្រីនៃព្រះរាជា ណាចក្រកម្ពុជាបានអញ្ជើញជួបសំណេះសំ ណាលជាមួយប្រជាពលរដ្ឋចំនួន២,៨៥៣ គ្រួសារដែលបានចាប់ឆ្នោតស្ម័គ្រចិត្តរើលំ នៅឋានចេញពីតំបន់រមណីយដ្ឋានអង្គរទៅរស់នៅក្នុងភូមិរុនតាឯកស្ថិតក្នុងស្រុកបន្ទា យស្រីខេត្តសៀមរាបជាទីតាំងដែលរាជរដ្ឋាភិបាលផ្តល់ដីជូនពលរដ្ឋជាថ្នូរនឹងការរុះរើសំណង់ចេញពីតំបន់រមណីយដ្ឋានអង្គរ និងតំបន់ស្ថិតក្រោមការគ្រប់គ្រងរបស់អា ជ្ញាធរជាតិអប្សរា។
ថ្លែងចេញពីទីនោះសម្ដេចតេជោ ហ៊ុន សែនបានមានប្រសាសន៍ថា យើងទាំង អស់គ្នាត្រូវរៀបចំព្រះរាជពិធីបុណ្យថ្វាយព្រះអង្គនៅថ្ងៃទី១៥ខែតុលាខាងមុខនេះ ។ ថ្ងៃទី ១៥ រៀងរាល់ឆ្នាំយើងតែងយកមួយថ្ងៃដើ ម្បីគោរពវិញ្ញាណក្ខន្ធចំពោះអតីតព្រះមហា ក្សត្ររបស់យើងឆ្នាំនេះគឺជាខួបលើកទី១០ នៃការសោយទិវង្គត់របស់ព្រះអង្គផងនិងជាខួបទី១០០ឆ្នាំនៃការដែលព្រះអង្គប្រសូ ត្រផងដូច្នេះថ្ងៃទី១៥ខាងមុខនេះប្រជាពល រដ្ឋរបស់យើងក៏នឹងត្រូវចូលរួមជាមួយបុណ្ យនោះផងដែរ។ម្ខាងបុណ្យព្រះអង្គសោយ ទិវង្គត់ម្ខាងព្រះអង្គប្រសូត្រខួប ១០០ឆ្នាំតែម្ដង។
សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជាបានអះអាងជាថ្មីថាបើទោះបីកូនសម្តេចឡើងធ្វើនាយករដ្ឋមន្រ្តីជំនួសសម្តេចក៏មិនទើសដល់អ្នកណាដែរព្រោះអ្វីៗវាអា ស្រ័យលើការបោះឆ្នោតអាស្រ័យលើប្រជាពលរដ្ឋតែប៉ុណ្ណោះ។
សម្តេចតេជោ ហ៊ុន សែន បានអរគុណដល់ក្រុមប្រឆាំងដែលបានវាយប្រហារមកលើលោក ហ៊ុន ម៉ាណែត ដែលជាបេក្ខភាពនា យករដ្ឋមន្រ្តីនាពេលអនាគតព្រោះថាការវាយប្រហាររបស់ពួកគេគឺជាការជួយឲ្យលោក ហ៊ុន ម៉ាណែត ចេះវិធីសាស្រ្តទប់ទល់ទៅវិញយ៉ាងប្រសើរ ។ សម្តេចតេជោនា យករដ្ឋមន្រ្តី បានអះអាងទៀតថាពេលនេះលោក ហ៊ុន ម៉ាណែត មានភាពឆ្លាតវៃក្នុងការទប់ទល់ជាមួយនឹងពួកគេដោយមិនចាំ បាច់សម្តេចចេញមុខបកស្រាយនិងឆ្លើយ តបទៅកាន់ពួកគេវិញទេ។
សម្តេចតេជោ ហ៊ុន សែន បានប្រកាសថា មកដល់ពេលនេះមានពលរដ្ឋជាង៤ ពាន់គ្រួសារបានស្ម័គ្រចិត្តផ្លាស់មករស់ នៅតំបន់អភិវឌ្ឍរុនតាឯកក្នុងស្រុកបន្ទាយស្រី ខេត្តសៀមរាប។
សម្តេចតេជោបានបញ្ជាក់ថាការងារនឹងនៅតែបន្តតែក៏ទាមទារការឲ្យមានគោលការ ណ៍ ដោះស្រាយឲ្យបានជាក់លាក់។
សម្ដេចបានបន្តថារាជរដ្ឋាភិបាលកម្ពុជា បា នចំណាយថវិកាជាតិដល់ជាង៨០០ លានដុល្លារសម្រាប់ជួយដល់ជនក្រីក្រនិងជនងាយរងគ្រោះនៅក្នុងអំឡុងនៃការរីករាល ដាលជំងឺកូវីដ១៩ ដែលមានប្រមាណ៧០ មឺនគ្រួសារ។សម្តេចតេជោបានអះអាងថានេះមិនទាន់គិតដល់ការចំណាយលើថ្នាំសង្កូវនិងវ៉ាក់សាំងបង្ការជំងឺកូវីដ១៩នៅឡើយផង។ ជាមួយគ្នានេះសម្តេច ហ៊ុន សែន ក៏ចំអកទៅកាន់ក្រុមប្រឆាំងដោយអះអាងថារាជរដ្ឋាភិ បាលកម្ពុជាមិនខ្វះកញ្ចប់ថវិកាសម្រាប់ចំណាយនោះទេ ។
សម្តេចតេជោនាយករដ្ឋមន្រ្តីបានឲ្យដឹងថារដ្ឋប្រមូលចំណូលពីពន្ធដារនិងគយ ក្នុងខែកញ្ញាបានប្រមាណជិត៥០០លា នដុល្លារដោយក្នុងនោះចំណូលពីអគ្គនាយកដ្ឋាន គយមានចំនួន២៣០លាន ដុល្លារនិងអគ្គនាយកដ្ឋានពន្ធដារបានចំនួន ២៥០លានដុល្លារ។
សម្ដេចតេជោ ហ៊ុន សែន បានប្រកប្រកថាអ្នកដែលស្ម័គ្រចិត្តចាកចេញពីកន្លែងមិនស្របច្បាប់នៅរមណីយដ្ឋានអង្គរទៅតាំងទីលំនៅថ្មីនៅតំបន់រុនតាឯកនឹងទទួលបានបណ្ណក្រីក្រប្រភេទ១ទាំងអស់ដែលគោលនយោបាយនេះត្រូវបានធានារយៈពេល ១០ ឆ្នាំ។
ដោយឡែកពលរដ្ឋដែលបានកាន់បណ្ណក្រីក្រប្រភេទ ២ រួចហហើយក៏អនុញ្ញាតិឲ្យប្តូរ មកបណ្ណក្រីក្រប្រភេទ១វិញដែរ ដើម្បីទទួលបានអត្ថប្រយោជន៍បន្ថែមពពីរដ្ឋាភិបាល លើជំនួយគាំទ្រសម្រាប់ការស្ម័គ្រចិត្តមករស់ នៅតំបន់អភិវឌ្ឍថ្មីនេះ។
សម្តេចតេជោ ហ៊ុន សែន ហាមដាច់ខាត សាងសង់វត្តបន្ថែមដូចជាវត្តព្រះពុទ្ធក្តី វិហារអ៊ីស្លាមក្តី វិហារគ្រឹះក្តី ឬផ្នែកជំនឿផ្សេងៗ នៅក្នុងរមណីយដ្ឋានអង្គរ ។
សម្តេចមានប្រសាសន៍ថាវត្តចំនួន ៣៥ នៅក្នុងតំបន់អង្គរមិនត្រូវបានរុះរើនោះទេប៉ុន្តែក៏មិនត្រូវសាងសង់បន្ថែមនោះដែរ។
សម្តេចតេជោបានបញ្ជាក់ថាវត្តអារាមនៅក្នុងតំបន់រមណីយដ្ឋានអង្គរខ្លះមានអាយុកាលរាប់រយឆ្នាំដែលចាំបាច់ត្រូវរក្សាទុក។ជាមួយគ្នានេះសម្តេចតេជោ ហ៊ុន សែនក៏ហាមទីអារាមទាំង៣៥នៅតំបន់អង្គរកុំឲ្យមានសាងសង់ចេតិយ ឬកន្លែងបញ្ចុះសពបន្ថែមលើកលែងតែព្រះចៅអធិការ និងគ្រូសូត្រស្តាំនិងគ្រូ សូត្រឆ្វេងដែលបានអនិច្ចធម្មទៅ ៕