Views: 3
អាជ្ញាធរខេត្តសៀមរាប នឹងរៀបចំព្រឹត្តិការណ៍ជិះកង់ ដើម្បីបរិស្ថាន និងសុខភាពកុមារ នៅថ្ងៃទី១៤ សីហា ខាងមុខ
ដោយៈ បាយ័ន / សៀមរាបៈ អាជ្ញាធរខេត្តសៀមរាប នឹងរៀបចំព្រឹត្តិការណ៍ជិះកង់ ដើម្បីបរិស្ថាន និងសុខភាពកុមារ នៅថ្ងៃទី១៤ ខែសីហា ខាងមុខ ។ នេះបើតាមការបញ្ជាក់ ឱ្យដឹងពីមន្ត្រីសាលាខេត្តសៀមរាប នៅថ្ងៃទី១២ ខែសីហា នេះ។
មន្ត្រីសាលាខេត្ត បានបញ្ជាក់ថាៈ នៅថ្ងៃទី១២ ខែសីហា ឆ្នាំ២០២២ នេះ អាជ្ញាធរខេត្តសៀមរាប បានប្រកាសថា គណៈកម្មាធិការជិះកង់ ដើម្បីកម្ពុជា សហការជាមួយ ក្រុមហ៊ុនខេមបូឌា សាយភ្លើង ក្រុមហ៊ុន ចាយ៉ាខេតធើរីង ក្រុមហ៊ុនត្រាវែលលូប និងហាងលក់ ឬជួលកង់ អាំង គឹមសាន្ដ នឹងរៀបចំព្រឹត្តិការណ៍ជិះកង់ ដើម្បីបរិស្ថាន និងសុខភាពកុមារ ឆ្នាំទី៨ ក្នុងគោលបំណង រៃអង្គាសថវិកា ដើម្បីឧបត្ថម្ភ ដល់មន្ទីរពេទ្យកុមារអង្គរ ដែលជាការរួមចំណែក ក្នុងការជួយសង្គ្រោះ និងលើកកម្ពស់ សុខុមាលភាពកុមារកម្ពុជា ដែលជាទំពាំងស្នងឫស្សី និងជាសសរទ្រូងប្រទេសជាតិ នាពេលអនាគត។
ប្រភពដដែល បានបញ្ជាក់ទៀតថាៈ ព្រឹត្តិការណ៍នេះ នឹងប្រព្រឹត្តទៅនៅថ្ងៃអាទិត្យ ទី១៤ ខែសីហា ឆ្នាំ២០២២ វេលាម៉ោង ៦ ព្រឹក ដែលជួបជុំគា្ន នៅផ្លូវ ៦០ម៉ែត្រ ហើយអាជ្ញាធរខេត្តសៀមរាប ក៏បានអំពាវនាវដល់ មន្ត្រីរាជការទាំងអស់ ក្នុងខេត្ត សូមអញ្ជើញចូលរួម ក្នុងព្រឹត្តិការណ៍នេះ ឱ្យបានច្រើនកុះករ ៕/V