Views: 1
ប្រែសម្រួល : កញ្ញាដាលីស (ប៊ីប៊ីស៊ី) ៖ រដ្ឋាភិបាលអាម៉េរិកកាលពីថ្ងៃអង្គារបានប្រកាសការយល់ព្រមលើការលក់ប្រព័ន្ធប្រឆាំងដ្រូន FS-LIDS និងឧបករណ៍ផ្សេងទៀតក្នុងតម្លៃ ១ ពាន់លានដុល្លារដល់កាតា។
ទីភ្នាក់ងារសហប្រតិបត្តិការសន្តិសុខការពារជាតិអាម៉េរិក (DSCA)បាននិយាយនៅក្នុងសេចក្តីថ្លែងការណ៍មួយថា “ការលក់ដែលបានស្នើឡើងនេះនឹងធ្វើឱ្យប្រសើរឡើងនូវសមត្ថភាពរបស់កាតាក្នុងការទប់ទល់នឹងការគំរាមកំហែងនាពេលបច្ចុប្បន្ននិងអនាគត ដោយការផ្តល់នូវសមត្ថភាពបាញ់អេឡិចត្រូនិចនិងគីនេទិកប្រឆាំងនឹងប្រព័ន្ធដ្រូន”។
ទីភ្នាក់ងារនេះបានបន្ថែមថា “តម្លៃកម្មវិធីប៉ាន់ស្មានសរុបគឺ១ពាន់លានដុល្លារ។ ការលក់ដែលបានស្នើឡើងនេះនឹងគាំទ្រដល់គោលនយោបាយការបរទេសនិងគោលដៅសន្តិសុខជាតិរបស់សហរដ្ឋអាម៉េរិក ដោយជួយកែលម្អសន្តិសុខនៃប្រទេសជាមិត្ត”។
ការប្រកាសលក់ប្រព័ន្ធនេះធ្វើឡើងបន្ទាប់ពីការវាយប្រហារដោយដ្រូនម្តងហើយម្តងទៀត ដែលអះអាងទទួលខុសត្រូវដោយក្រុមឧទ្ទាមហ៊ូធីដែលគាំទ្រដោយរដ្ឋាភិបាលក្រុងតេអេរ៉ង់នៅកន្លែងផ្សេងទៀតនៅក្នុងតំបន់ឈូងសមុទ្រពែក្ស និងខណៈដែលដ្រូនរបស់រុស្ស៊ីវាយប្រហារលើទីក្រុងនានារបស់អ៊ុយក្រែនបានគូសបញ្ជាក់ពីការគំរាមកំហែងកាន់តែខ្លាំងឡើងដែលបង្កឡើងដោយដ្រូន។
ក្រសួងការបរទេសបានអនុម័តការលក់ដែលអាចធ្វើទៅបាននេះ ហើយ DSCAកាលពីថ្ងៃអង្គារបានផ្តល់ការជូនដំណឹងចាំបាច់ដល់សភា ដែលនៅត្រូវចុះហត្ថលេខាលើប្រតិបត្តិការលក់នេះ៕
ប្រជាជាតិនានាកំពុងប្រជែងគ្នាទិញប្រព័ន្ធប្រឆាំងដ្រូន ខណៈសង្គ្រាមនៅអ៊ុយក្រែនបង្ហាញពីការគំរាមកំហែងកាន់តែខ្លាំងឡើងពីដ្រូន
