Views: 2
ប្រែសម្រួល : កញ្ញាដាលីស (ស្ត្រេតថែមស៍) ៖ សួនសត្វមួយនៅសហរដ្ឋអាម៉េរិកមានការភ្ញាក់ផ្អើលដ៏រីករាយ នៅពេលសត្វចំណាស់ជាងគេរបស់សួនបានក្លាយជាបាកូនបីជាលើកដំបូងនៅអាយុ ៩០ ឆ្នាំ។
លោកភីកកិល (Mr Pickles) ជាសត្វអណ្តើកនៅសួនសត្វហូស្តុន (Houston) និងដៃគូរបស់វាឈ្មោះលោកស្រីភីកកិល (Mrs Pickles) បានស្វាគមន៍កូនញាស់បីក្បាលរបស់ពួកវា គឺ ឌីល (Dill) ហ្គើគីន (Gherkin) និង ចាឡាផេណូ (Jalapeno)។
កូនអណ្តើកទាំងបីបង្កការភ្ញាក់ផ្អើលចំពោះបុគ្គលិក។
យោងតាមសួនសត្វបានឱ្យដឹងថា អ្នកថែរក្សាសត្វមួយរូបបានឃើញលោកស្រីភីកកិលខណៈវាកំពុងក្រាបពងនៅពេលជិតដល់ម៉ោងបិទទ្វារសួន។
បន្ទាប់មកក្រុមថែទាំសត្វបានចុះទៅធ្វើការយ៉ាងរហ័សដើម្បីស្វែងរកពង ហើយនាំវាទៅកាន់កន្លែងសុវត្ថិភាពនៃផ្ទះសត្វល្មូនឈ្មោះថា Reptile and Amphibian House។
សួនសត្វបាននិយាយនៅក្នុងប្លុកមួយថា “ដីនៅហ៊ូស្តុនមិនអំណោយផលចំពោះអណ្តើកដើមកំណើតម៉ាដាហ្គាស្កាទេ ហើយពងមិនទំនងញាស់ដោយខ្លួនវាទេ ប្រសិនបើអ្នកថែសួនមិនឃើញអណ្តើកទាន់ពេល”។
កូនញាស់ទាំងបីក្បាលនេះត្រូវបានចាត់ទុកថាជារឿងសំខាន់ណាស់ ព្រោះបារបស់ពួកវា លោកភីកកិលគឺជាសត្វអណ្តើកវិទ្យុសកម្មដ៏មានតម្លៃបំផុតនៅក្នុងគម្រោងរស់រានរបស់សត្វនៃសមាគមសួនសត្វនិងអាងចិញ្ចឹមត្រី (AZA)។
សួនសត្វបាននិយាយថា ពួកវានឹងនៅឆ្ងាយពីការចាប់អារម្មណ៍នៅផ្ទះសត្វល្មូន Reptile and Amphibian House រហូតដល់ពួកវាធំល្មមអាចចូលរួមជាមួយមេបារបស់ពួកវាដោយសុវត្ថិភាព។
លោកភីកកិលបាននៅសួនសត្វខាងលើអស់រយៈពេល ៣៦ ឆ្នាំហើយបាននៅជាមួយដៃគូរបស់វា លោកស្រីភីកកិល ចាប់តាំងពីវាបានមកដល់ក្នុងឆ្នាំ ១៩៩៦។
អណ្តើកវិទ្យុសកម្មគឺងាយរងគ្រោះខ្លាំងដោយសារការបាត់បង់ទីជម្រកនិងការជួញដូរសត្វចិញ្ចឹមខុសច្បាប់។ ពួកវាក៏បង្កើតកូនចៅបានតិចតួចបំផុតផងដែរ៕
អណ្តើកឈ្មោះលោកភីកកិលបង្កើតបានកូនបី