Views: 1
ដោយៈ ប.ជ័យ / បន្ទាយមានជ័យៈ លោកអភិបាលខេត្តបន្ទាយមានជ័យ ដឹកនាំមន្ត្រី អាជ្ញាធរក្រុង សង្កាត់ ភូមិ និងក្រុមការងារ កាលពីថ្ងៃទី៩ ខែកញ្ញា ឆ្នាំ២០២៣ បានចុះសួរសុខទុក្ខគ្រួសារពលរដ្ឋ ដែលជួបការលំបាក, ប្តីប្រពន្ធពិការជើងម្ខាង ទាំង ២នាក់, ប្រពន្ធពិការដៃទាំងសងខាង និងកូនស្រីម្នាក់ គថ្លង់។
គ្រួសារពលរដ្ឋ ឈ្មោះ ធាន ចាន់ណា អាយុ៥៨ឆ្នាំ និងប្រពន្ធឈ្មោះ យ៉ែល សំ ។
ប្រពន្ធពិការដៃទាំងសងខាង ។ ប្តីប្រពន្ធទាំង ២នាក់ បានពិការជើងម្ខាង ទាំង ២នាក់ ឯកូនស្រីម្នាក់ ក៏គថ្លង់ទៅទៀត ។ ពួកគេ រស់នៅភូមិបាណយ សង្កាត់ទឹកថ្លា ក្រុងសិរីសោភ័ណ ខេត្តបន្ទាយមានជ័យ។ ប្តីដែលពិការភាពនេះ មកពី ទី១-ដោយត្រូវ ឆក់ខ្សែភ្លើង កន្លងមក និង ២-គ្រួសារមាន ស្ថានភាពលំបាកដោយសារពិការភាព ។
លោក អ៊ុំ រាត្រី អភិបាលខេត្តបន្ទាយមានជ័យ និងក្រុមការងារ បានពាំនាំនូវក្តីអាណិត អាសូរ រំលែកការលំបាកពីលោក អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ ជូនចំពោះគ្រួសារនេះ ហើយបានឱ្យក្រុមការងារ នាំយកទៅ មន្ទីរពេទ្យខេត្ត មិត្តភាព កម្ពុជា ជប៉ុន មង្គលបូរី រហូតជាសះស្បើយ ហើយក៏ត្រូវបានការ យកចិត្តទុកដាក់បន្តឧបត្ថម្ភគាំទ្រ ដោយលោកអភិសន្តិបណ្ឌិត ស សុខា និងក្រុមការងារ ថ្នាក់ដឹកនាំខេត្ត យុវជន សប្បុរសជន ជារៀងរហូតដល់បច្ចុប្បន្ន។ ដោយឃើញការ លំបាក នាឱកាសនេះ លោក អ៊ុំ រាត្រី និងក្រុមការងារ នឹងរៀបចំសាងសង់ផ្ទះ ជូនពួកគេ ផងដែរ ៕ V / N
