Views: 2
ដោយ: ជា សីហៈ / ភ្នំពេញ: អគ្គនាយកដ្ឋានប្រេងកាត និងក្រុមហ៊ុនប្រេងភីធីធី ដែលគេដឹងថាក្រុមហ៊ុនប្រេងកាតជាតិថៃ បានចុះ អនុស្សរណៈយោគយល់គ្នា ស្តីពី “កិច្ចសហប្រតិបត្តិការលើវិស័យប្រេងនិងឧស្ម័ន” កាលពីថ្ងៃទី១១ ខែ សីហា ឆ្នាំ២០២២។
ពិធីចុះហត្ថលេខាលើអនុស្សរណៈយោគយល់គ្នា ស្តីពី “កិច្ចសហប្រតិបត្តិការលើវិស័យប្រេងនិងឧស្ម័ន” នេះ ត្រូវបានចុះក្រោមអធិបតីភាពដោយ លោក កៅ ធារ៉ូ រដ្ឋលេខាធិការនៃក្រសួងរ៉ែនិងថាមពល រវាងអគ្គនាយកដ្ឋានប្រេងកាត (GDP) និងក្រុមហ៊ុនប្រេងកាតជាតិថៃ (PTT)” រួមជាមួយនឹងទស្សនកិច្ចសិក្សាចាប់ពីថ្ងៃទី០៩-១២ ខែសីហា ឆ្នាំ២០២២។
ក្រសួងរ៉ែ និង ថាមពលបានឲ្យដឹងថា អនុស្សារណៈនេះត្រូវបានចុះហត្ថលេខាដោយ លោក ជៀប សួរ អគ្គនាយកនៃអគ្គនាយកដ្ឋានប្រេងកាត និងភាគីថៃ លោក អូតាពុល រីកភីប៊ុន ( Auttapol Rerkpiboon) ប្រធាននិងនាយកប្រតិបត្តិនៃក្រុមហ៊ុនប្រេងកាតជាតិថៃ។
អនុស្សរណៈនៃការយោគយល់គ្នានេះផ្តោតសំខាន់ទៅលើការចែករំលែកព័ត៌មាន បទពិសោធន៍ បច្ចេកវិទ្យា និងឱកាសវិនិយោគទៅវិញទៅមក ជាពិសេសពង្រឹងកិច្ចសហប្រតិបត្តិការរវាងប្រទេសទាំងពីរឱ្យកាន់តែប្រសើរឡើង៕