Views: 1
ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
ឈ្មុល
កិរិយាសព្ទ
ត្បុលចូល, រុលរុកចូល, ឈ្មៀតចូល, ពុះពារចូល
ទោះបីទីចង្អៀតយ៉ាងណា ក៏វាខំឈ្មុលចូលមកទាល់តែបាន ។
ឈ្មុស
នាមសព្ទ
សត្វជើង ៤ ពួកសំពោច មានទឹកសុក្កៈ ឬទឹកកាម ក្លិនប្រហើរភាយសម្រាប់លាយផ្សំធ្វើទឹកអប់; ឈ្មុសមានពីរប្រភេទគឺ ឈ្មុសស្បូវ ១ ប្រភេទ ឈ្មុសប្រែង ១ ប្រភេទ; ឈ្មុសប្រែងនឹងហៅថា ឈ្មុសទេស ក៏បាន, ឈ្មុសនេះឯងដែលគេយកទឹកកាមធ្វើទឹកអប់ ។
កិរិយាសព្ទ
ឈូសគាស់ដីដោយច្រមុះ
ជ្រូកឈ្មុសដី, ជ្រូកឈ្មុសរងដំឡូង ។
ឈ្មុសទេស
នាមសព្ទ
ឈ្មោះគ្រឿងក្រអូបម្យ៉ាងដែលធ្វើអំពីទឹកសុក្កៈ ឬទឹកកាមឈ្មុសទេស ។
កំពីងដូង
នាមសព្ទ
ឈ្មោះសត្វចតុប្បាទ ពួកមានដោះ រូបរាងសន្តានឆ្លក, ឈ្មុស, រោមវែងទន់ញឹក សម្បុរប្រផេះ ។
សំពោច
នាមសព្ទ
សត្វចតុប្បាទពួកឈ្មុស, មានក្លិនសាធុំប្រហើរ; មាន ២ ប្រភេទគឺ សំពោចដំណើប, សំពោចខ្សាយ ជាសត្វរាត្រីចរ វេលាថ្ងៃពួនសម្ងំ នៅក្នុងរូងឈើ ឬក្នុងព្រៃស៊ុមទ្រុម ។