Views: 1
ដោយៈ ដកស្រង់ពីវចនានុក្រមសម្តេចសង្ឃរាជ ជួន ណាត
កើល
កិរិយាសព្ទ
កឿង, កល់ទាល់នឹងដី ឬ នឹងគល់, នឹងដង្គត់
ទូកកើលនឹងច្រាំង, កប៉ាល់បើកទៅកើលនឹងច្រាំង ។
បើជាពាក្យប្រៀបថា ទញ់ទាល់សំដី
និយាយៗទៅ ស្រាប់តែកើលសព្ទកណ្តាលចំណោម ។
ខ្ជាប់
គុណសព្ទ
ឋិតថេរ, មាំមួន, ជាប់លាប់ ។ ប្រើជាកិរិយាវិសេសន៍ ក៏បាន
“ត្រង់ណាហៅច្បាប់ កាន់ខ្ជាប់កុំបីបង់ ចំណេរទៅលង់ ខ្លួនបានជាធំ” ។
គុន
នាមសព្ទ
ឈ្មោះសិល្បខាងគ្រឿងអាវុធ សម្រាប់ចូលប្រឡូកលោតហក់តយុទ្ធផ្ទាល់ខ្លួន, ជាចំណេះវិសេសម្យ៉ាងរបស់អ្នកចម្បាំង ពីក្នុងសម័យបុព្វបុរសរាល់ប្រទេស
គុនដំបង, គុនដាវវែង, គុនដាវខ្លី, គុនខែល, គុនកាំបិតគ្រលុក. . . ។
ចំណាញ់
នាមសព្ទ
(ព. ថ.) ការចាញ់
ចំណាញ់ល្បែងភ្នាល់, ចំណាញ់កលរបស់គេ នាំឲ្យអាប់កិត្តិយស ។ ព. ផ្ទ. ជម្នះ ។
ឧទ្ទាន
(អ៊ុត-ទាន)
នាមសព្ទ
(សំ. បា.) ការចង; ការដោតក្រង; ចំណង; ត្រណោត; ចង្កោម; ចង្កោមឬកម្រងសេចក្ដី; បញ្ជីមាតិកាឬបញ្ជីរឿង
ឧទ្ទាននៃបព្វជ្ជាខន្ធកៈ បញ្ជីមាតិកានៃបព្វជ្ជាខន្ធកៈ (បុរាណរៀបរៀងឧទ្ទាន តែត្រង់ទីបំផុត នៃសេចក្ដី ឬរឿងមួយៗ) ។
Post navigation
