Views: 1
ដោយ : ប.ជ័យ / បន្ទាយមានជ័យ៖អង្គការគ្រួសារកុមារអភិវឌ្ឍន៍( FRA)ប្រចាំនៅកម្ពុជា តាមរយៈមន្ទីរធម្មការនិងសាសនាខេត្តបន្ទាយមានជ័យបានប្រគេន សម្ភារជាកុំព្យូទ័រ ម៉ាស៊ីនព្រីនធ័របន្តទៀត ដល់ព្រះសង្ឃកំពុងសិក្សារៀនសូត្រ តាមស្រុក ក្រុងទូទាំងខេត្តបន្ទាយមានជ័យដោយក្នុងមួយស្រុកក្រុងៗ ទទួលបានកុំព្យូទ័រ ១០ គ្រឿងនិងម៉ាស៊ីនព្រីនធ័រ មួយគ្រឿងឬថវិកាចំនួន២.៣៦៩០ដុល្លារអាម៉េរិក។
ក្នុងនោះសម្រាប់ថ្ងៃទី ១៦ ខែសីហា ក្រុមការងារនៃអង្គការ FRA រួមដំណើរដោយ លោក បៀវ ថាន ប្រធានមន្ទីរធម្មការនិងសាសនាខេត្តបាននាំយកនូវកុំព្យូទ័រនិងម៉ាស៊ីនព្រីនធ័រ ទៅប្រគេនដល់ព្រះសង្ឃក្នុងស្រុកព្រះនេត្រព្រះ ស្រុកភ្នំស្រុកនិងស្រុកថ្មពួក។
លោក បៀវ ថាន ប្រធានមន្ទីរធម្មការនិងសាសនាខេត្តបានឱ្យដឹងថា អង្គការគ្រួសារកុមារអភិវឌ្ឍន៍ប្រចាំកម្ពុជា ដែលមានលោកស្រី យ៉ាំង អ៊ួយលីន ជានាយិកាតែងតែចូលរួមចំណែកជាមួយរាជរដ្ឋាភិបាល និងអាជ្ញាធរមានសមត្ថកិច្ចដើម្បីកាត់បន្ថយភាពក្រីក្ររបស់ប្រជាពលរដ្ឋរួមមានផ្នែកមនុស្សធម៌ អប់រំសិក្សា ជាពិសេសបានជួយផ្ដល់សម្ភារថវិកា ផ្ដល់អាហារូបករណ៍ប្រគេនដល់ព្រះសង្ឃរៀងរាល់ឆ្នាំ ដើម្បីបានបន្តការសិក្សារហូតដល់ថ្នាក់ឧត្តមសិក្សា៕សរន