Views: 1
ប្រែសម្រួលៈបំណង(ស្ត្រេតថែមស៍)៖ អ្នកទេសចរជាង៨០.០០០នាក់កំពុងជាប់ខ្លួននៅទីក្រុងទេសចរណ៍ចិនពេញនិយមដែលគេដាក់ឈ្មោះអោយថាជា«កោះហាវ៉ៃចិន»ក្រោយការផ្ទុះជំងឺកូវីដ១៩ដែលនាំអោយអាជ្ញាធររឹតបន្តឹងការធ្វើដំណើរ។
ការផ្ទុះកូវីដ១៩នេះកើតឡើងចំពេលទីក្រុងសាន់យ៉ាទទួលទេសចរច្រើនបំផុត
ទីក្រុងទេសចរណ៍សាន់យ៉ាលើកោះហៃណាន បានរាយការណ៍អ្នកឆ្លងកូវីដ១៩ចំនួន៤៨៣នាក់កាលពីថ្ងៃអាទិត្យ និង២៥៩នាក់ទៀតនៅថ្ងៃចន្ទទី៨សីហា។
រាល់ជើងហោះហើរចេញពីទីក្រុងនេះត្រូវលុបចោលកាលពីចុងសប្តាហ៍ ដោយអាជ្ញាធរក៏បញ្ឈប់ការលក់សំបុត្ររថភ្លើងផងដែរ។អ្នកទេសចរដែលចង់ចាកចេញត្រូវតែពិនិត្យកូវីដ១៩ឃើញអវិជ្ជមានជាមុនក្នុងរយៈពេលប្រាំពីរថ្ងៃ។
ឥឡូវបណ្តាសណ្ឋាគារនៅក្នុងទីក្រុងប្រកាសបញ្ចុះថ្លៃ៥០ភាគរយដល់ភ្ញៀវរហូតដល់ការរឹតត្បិតលើការធ្វើដំណើរត្រូវបានដកចេញ។
សូមបញ្ជាក់ថា ចិនជាមហាអំណាចសេដ្ឋកិច្ចតែមួយក្នុងលោកដែលនៅបន្តអនុវត្តយុទ្ធសាស្ត្រកូវីដសូន្យ ដោយត្រូវរឹតត្បិតចរាចរណ៍មនុស្សឬក៏បិទខ្ទប់និងធ្វើចត្តាឡីស័ករយៈពេលវែងធ្វើយ៉ាងណាអោយតែអាចកំចាត់កូវីដអោយអស់នៅកន្លែងណាដែលកើតជំងឺនេះ ទោះជាប៉ះពាល់សេដ្ឋកិច្ច។
ការផ្ទុះកូវីដ១៩នេះកើតឡើងចំពេលទីក្រុងសាន់យ៉ាទទួលទេសចរច្រើនបំផុត។ឥឡូវកន្លែងកម្សាន្តសប្បាយ រួមមានកន្លែងស្ប៉ា ហាងខារ៉ាអូខេនិងក្លឹបរាត្រី ត្រូវបានបិទចាប់តាំងពីសប្តាហ៍មុន តែសេវាចាំបាច់ ដូចជាផ្សារនិងឳសថស្ថាននៅបើក៕
ទីក្រុងសាន់យ៉ាបង្កើតកន្លែងធ្វើតេស្តិ៍រកកូវីដ១៩ នៅពេលទីក្រុងទេសចរណ៍ចិនមួយនេះជួបការផ្ទុះកូវីដ១៩ដ៏អាក្រក់
