Views: 8
ប្រែសម្រួល : កញ្ញាដាលីស (ដេល្លីម៉េល) ៖ អ្នកគាំទ្រជប៉ុនបានបន្តប្រមូលសំរាមដែលបន្សល់ទុកនៅកន្លែងអង្គុយ បើទោះបីជាបន្ទាប់ពីក្រុមជម្រើសជាតិរបស់ពួកគេចាញ់ក្រូអាស៊ីដោយបាល់ប៉េណាល់ទីក៏ដោយ។
ជាថ្មីម្តងទៀត អ្នកគាំទ្រត្រូវគេឃើញកាន់ថង់សំរាមពណ៌ខៀវដើររើសសំរាមពីក្រោមកៅអីនៃកីឡដ្ឋាន Al Janoub ។
អ្នកគាំទ្រជប៉ុនបានទទួលការសរសើរពេញមួយព្រឹត្តិការណ៍វើលខាប់ចំពោះភាពស្អាតអនាម័យរបស់ពួកគេ ដែលពួកគេបានធ្វើសម្រាប់ជាកាយវិការនៃការគោរព និងសុច្ឆន្ទៈក្នុងកីឡដ្ឋានទទេ។
ហើយទោះបីជារងបរាជ័យក្នុងលទ្ធផល ៣-១ លើការស៊ុតបាល់ប៉េណាល់ទី ក្រោយស្មើ ១-១ បន្ទាប់ពី ៩០ នាទីនិងម៉ោងបន្ថែមក៏ដោយ ក៏ពួកគេនៅតែបន្តបង្ហាញពីភាពថ្លៃថ្នូររបស់ពួកគេ បន្ទាប់ពីត្រូវបានជ្រុះចេញពីការប្រកួតវើលខាប់។
អ្នកគាំទ្រជប៉ុនមិនគ្រាន់តែរើសសំរាមសម្រាប់ការប្រកួតវគ្គចែកពូលរបស់ពួកគេជាមួយក្រុមអាល្លឺម៉ង់ កូស្តារីកា និងអេស្ប៉ាញប៉ុណ្ណោះទេ តែថែមទាំងជួយរើសសំរាមក្នុងអំឡុងពេលប្រកួតបើកវើលខាប់រវាងកាតានិងអេក្វាឌ័រផងដែរ៕
អ្នកគាំទ្រជប៉ុនដើររើសសំរាមក្រោយជប៉ុនចាញ់ក្រូអាស៊ីដោយបាល់ប៉េណាល់ទីកាលពីថ្ងៃចន្ទ
