អ្នកជំនួញសញ្ជាតិចិន ម្នាក់ អាយុ៧២ឆ្នាំ គឺលោក កុក វិញ ( Kwok Wing ) ដែលបានចូលមកដាក់ទុនវិនិយោគបង្កើតក្រុមហ៊ុនរោងចក្រកាត់ដេរសម្លៀកបំពាក់ Tack Fat Garment Factory នៅប្រទេសកម្ពុជា នាអំឡុងឆ្នាំ១៩៩៥-១៩៩៦ ទទួលបានការផ្ដល់សញ្ជាតិខ្មែរ តាមសញ្ជាតូបនីយកម្ម តាំងពីនៅមានអាយុ៥១ឆ្នាំមកម្ល៉េះ ដោយព្រះរាជក្រឹត្យលេខ នស/រកត/០១០១/០២១ ចុះថ្ងៃទី២៤ ខែមករា ឆ្នាំ២០០១ ។
រយៈពេលប្រមាណជាងមួយសប្ដាហ៍ក្រោយទទួលបានសញ្ជាតិខ្មែររួចមក លោក កុក វិញ ក៏ទទួលបានការតែងតាំងគោរមងារជា ឧកញ៉ា ដោយព្រះរាជក្រឹត្យលេខ នស/រកត/០២០១/០៣៣ ចុះថ្ងៃទី០៦ ខែកុម្ភៈ ឆ្នាំ២០០១ ពោលគឺបានក្លាយជាអ្នកជំនួញសញ្ជាតិចិន មុនដំបូងគេ ដែលទទួលបានគោរមងារជា ឧកញ៉ា បន្ទាប់ពីទទួលបានសញ្ជាតិខ្មែរ នៅសម័យព្រះរាជាណាចក្រកម្ពុជាទីពីរ ៕