Views: 4
ប្រែសម្រួលៈបំណង(ដេល្លីម៉េល)៖ អតីតប្រធានាធិបតីស្រីលង្កាលោក ហ្គោតាបាយ៉ា រ៉ាចាប៉ាក់សា(Gotabaya Rajapaksa)កាលពីថ្ងៃព្រហស្បតិ៍បានទៅដល់ទីក្រុងបាងកកបន្ទាប់ពីទិដ្ឋាការយៈពេលមួយខែរបស់លោកនៅសិង្ហបុរីអស់សុពលភាព ក្រោយពីលោកបានរត់ភៀសខ្លួនចេញពីប្រទេសចំពេលមហាជនផ្ទុះកំហឹងនាំគ្នាចេញមកតាមដងផ្លូវដើម្បីទាមទារអោយលោកចុះចេញពីតំណែងដោយសារតែប្រទេសធ្លាក់ក្នុងវិបត្តិសេដ្ឋកិច្ចធ្ងន់ធ្ងរ។
មេដឹកនាំដែលត្រូវបណ្តេញចេញពីអំណាចរូបនេះ បានទៅដល់តាមយន្តហោះឯកជនមួយនៅអាកាសយានដ្ឋានដនមឿងនៅម៉ោង៨យប់និងបានចាកចេញពីបន្ទប់ភ្ញៀវពិសេស(VIP)ជាមួយប្រពន្ធនៅ៤០នាទីក្រោយតាមរថយន្តពណ៌ខ្មៅមួយ។
សូមរំលឹកថា លោករ៉ាចាប៉ាក់សា បានធ្វើដំណើរចូលសិង្ហបុរីក្នុងដំណើរចេញពីកោះម៉ាល់ឌីវ កាលពីថ្ងៃ១៤កក្កដា ក្រោយភៀសខ្លួនចេញពីប្រទេសចំពេលមានការប្រឆាំងតវ៉ាមហាជននិងវិបត្តិសេដ្ឋកិច្ចធ្ងន់ធ្ងរនៅស្រីលង្កា ហើយបានដាក់ពាក្យសុំលាឈប់ពីតំណែងប្រធានាធិបតីនៅទៅនោះភ្លាម។
តាមធម្មតា ប្រជាជនស្រីលង្កាដែលទៅដល់សិង្ហបុរីទទួលបានទិដ្ឋាកា៣០ថ្ងៃ តែអាជ្ញាធរកាលពីដំបូងអនុញ្ញាតអោយលោករ៉ាចាប៉ាក់សាស្នាក់នៅក្នុងបុរីរដ្ឋនេះតែពីរសប្តាហ៍និងបានបន្តពីរសប្តាហ៍ទៀត៕
អតីតប្រធានាធិបតីស្រីលង្កាលោក ហ្គោតាបាយ៉ា រ៉ាចាប៉ាក់សា បានចាកចេញពីសិង្ហបុរីកាលពីថ្ងៃ១១សីហា និងបានទៅដល់ទីក្រុងបាងកកនៅម៉ោង៨យប់កាលពីថ្ងៃព្រហស្បតិ៍