Views: 2
ប្រែសម្រួលៈបំណង(ដេល្លីម៉េល,ស៊ីនហួរ)៖ អវកាសយានិកចិនបីនាក់បានវិលមកកាន់ផែនដីវិញកាលពីថ្ងៃអាទិត្យក្រោយចំណាយពេលប្រាំមួយខែធ្វើការសាងសង់បញ្ចប់ស្ថានីយអវកាសធៀនហ្កង(Tiangong) នេះបើតាមការផ្សាយរបស់ទូរទស្សន៍រដ្ឋចិន។
ទូរទស្សន៍ចិនCCTVបាននិយាយថា បន្ទប់យានដែលផ្ទុកមេបញ្ជាការ សេន ដុង(Chen Dong)និងអវកាយានិក លីវ យ៉ាង (Liu Yang)ព្រមទាំង កាយ ស៊ូចេ(Cai Xuzhe)បានចុះដល់ដីនៅវាលខ្សាច់ហ្គោប៊ី នៃតំបន់ស្វ័យតម៉ុងហ្គោលីខាងក្នុងនៅចិនខាងជើងនៅម៉ោង១២និង១០នាទីថ្ងៃត្រង់។
មុនចេញដំណើរ អ្នកអវកាសទាំងបីបានចំណាយពេលអស់ពេលជិតប្រាំថ្ងៃនៅជាមួយសហការីបីនាក់ទៀតដែលទើបទៅដល់កាលពីថ្ងៃពុធក្នុងបេសកកម្មស្នាក់នៅលើស្ថានីយនេះសំរាប់ពេលប្រាំមួយខែទៀត ដែលធ្វើអោយចិនក្លាយជាប្រទេសដំបូងដែលមានអ្នកអវកាសប្រាំមួយនាក់នៅក្នុងទីអវកាសក្នុងពេលតែមួយ។
មេបញ្ជាការអវកាស សេន ដុង បក់ដៃពេលលោកអង្គុយនៅក្រៅបន្ទប់យានក្រោយចុះដល់ផែនដី
ក្រោយចុះដល់ផែនដីប្រមាណ៤០នាទីអ្នកអវកាសទាំងបីត្រូវបានសែងចេញពីបន្ទប់យានដោយបុគ្គលិកវេជ្ជសាស្ត្រ។ពួកគេញញឹមនិងហាក់មានសុខភាពល្អដោយបក់ដៃយ៉ាងរីករាយដាក់បុគ្គលិកនៅកន្លែងចុះចត។
អ្នកទាំងពីជាផ្នែកនៃបេសកកម្មសេនចូវ-១៤(Shenzhou-14)ដែលត្រូវបានចាប់ផ្តើមកាលពីខែមិថុនា។ក្រោយទៅដល់ស្ថានីយធៀនហ្កង លោកចេន នាងលីវនិងលោកកាយបានត្រួតមើលការចូលចតរបស់យានផ្សេងដែលដឹកកំណាត់ស្ថានីយ។ពួកគេបានដើរក្នុងទីអវកាស បង្រៀនវិទ្យាសាស្ត្របន្តផ្ទាល់ពីស្ថានីយអវកាសដល់សិស្សនៅលើផែនដីនិងធ្វើការពិសោធន៍ជាច្រើន។
មុនចេញដំណើរ អ្នកអវកាសទាំងបីបាននៅអស់ពេលជិតប្រាំថ្ងៃជាមួយសហការីបីនាក់ទៀតដែលទើបទៅដល់កាលពីថ្ងៃពុធក្នុងបេសកកម្មស្នាក់នៅលើស្ថានីយនេះសំរាប់ពេលប្រាំមួយខែទៀត
ស្ថានីយTiangong ជាផ្នែកនៃផែនការរបស់ចិនសំរាប់វត្តមានមនុស្សអចិន្ត្រៃយ៍នៅក្នុងតារាវិថី។សូមបញ្ជាក់ថា ចិនបានស្ថាបនាស្ថានីយអវកាសដោយខ្លួនឯងត្រូវបានផាត់ចេញពីស្ថានីយអវកាសអន្តរជាតិ ដោយសារតែអាម៉េរិកជំទាស់ពីព្រោះតែកម្មវិធីអវកាសរបស់ចិនមានទំនាក់ទំនងជិតដិតពេលទៅនឹងកងទ័ពរំដោះប្រជាជនចិន ។
ជាមួយនឹងអាយុកាល១០ទៅ១៥ឆ្នាំ ស្ថានីយTiangong នៅថ្ងៃមួយនឹងក្លាយជាស្ថានីយអវកាសតែមួយគត់ដែលនៅដំណើរការ បើសិនជាស្ថានីយអវកាសអន្តរជាតិISSអស់អាយុកាលប្រើនៅប្រមាណជាចុងទសវត្សរ៍នេះ៕
បន្ទប់យានShenzhou-14បានធ្លាក់ចុះដល់ដីជាមួយនឹងអវកាសយានិកបីនាក់កាលពីថ្ងៃ៤ធ្នូនៅតំបន់ស្វ័យតម៉ុងហ្គោលីខាងក្នុង