Views: 1
ដោយ: សុខុម/ស្ទឹងត្រែង÷ សពបុរសម្នាក់ ដែលស្លាប់ក្នុងឧបទ្ទវហេតុលិចទូកចម្លងនៅចំណុចភូមិ៥ ឃុំត្រពាំងច្រេស ស្រុកកូនមុំ ខេត្តរតនគិរី កាលពីថ្ងៃទី១០ ខែសីហា ឆ្នាំ២០២២ បានរកឃើញហើយ គឺអណ្ដែតទឹកមកទើរនៅចំណុចអូរសូរ ភូមិក្បាលរមាស ឃុំក្បាលរមាស ស្រុកសេសាន ខេត្តស្ទឹងត្រែង កាលពីថ្ងៃទី១២ ខែសីហានេះ។
សមត្ថកិច្ចបានឲ្យដឹងថា ក្រោយពីរកឃើញកម្លាំងនគរបាល ប៉ុស្តិ៍ឃុំក្បាលរមាសសហការជាមួយ កម្លាំងប្រជាការពារភូមិ ក្របីជ្រុំ ស្រុកសេសាន ខេត្តស្ទឹងត្រែង និងកម្លាំងអធិការនគរបាលស្រុកកូនមុំ ខេត្តរតនគិរី បានចុះទៅកាន់កន្លែងប្រទះឃើញសព និងប្រគល់ជូនសាច់ញាតិ។
សូមរំលឹកថាកាលពីថ្ងៃទី១០ ខែសីហា ឆ្នាំ២០២២ ទូកចម្លងមួយឆ្លងកាត់ ទន្លេស្រែពកដឹកមនុស្សមនុស្ស ១២នាក់ ស្រី៦នាក់ និងម៉ូតូ៤គ្រឿង បើកបរចំកន្លែង ទឹកគួចខ្លាំងធ្វើអោយទូកលិច ហើយមនុស្សម្នាក់បានបាត់ខ្លួន និងមនុស្ស១១នាក់ ត្រូវបានជួយសង្គ្រោះ៕
