Views: 11
ដោយ៖ សុវណ្ណកុម្ភៈ / ភ្នំពេញ៖ នៅព្រឹកថ្ងៃទី៣០ វិច្ឆិកានេះ ការប្រកួតប្រដាល់សកល ក្នុងព្រឹត្តិការណ៍កីឡាជាតិលើកទី៣ បានរកឃើញម្ចាស់មេដាយមាសហើយ ។ នេះជាការប្រកួតចុងក្រោយ ដែលអ្នកឈ្នះ នឹងគ្រងតំណែងជាម្ចាស់មេដាយមាស ចំពោះអ្នកចាញ់ បានមេដាយប្រាក់។
សម្រាប់ទម្ងន់ ៤៨ គីឡូក្រាម អ្នកប្រដាល់ អំ ខេម មកពីខេត្តកណ្ដា បានប្រកួតផ្ដាច់ព្រ័ត្រ ឈ្នះអ្នកប្រដាល់ ឈុន សិលា មកពីខេត្តព្រៃវែងដោយពិន្ទុ។ ទម្ងន់ ៥១ គីឡូក្រាម វណ្ណា សំណាង មកពីខេត្តកណ្ដាល ត្រូវអ្នកប្រដាល់ នៅ សុខទី មកពីក្រសួងមហាផ្ទៃ វាយឲ្យ សន្លប់មុនស្នូរជួង បញ្ចប់ទឹកទី១ ។
ទម្ងន់ ៥៤ គីឡូក្រាម សៅ រង្សី ក្លិបក្រសួងការពារជាតិ ប្រកួតផ្ដាច់ព្រ័ត្រឈ្នះ ដុស រតនា
ក្រសួងមហាផ្ទៃដោយពិន្ទុ។ ទម្ងន់ ៥៧ គីឡូក្រាម ណាត សៀកនិន ក្រសួងការពារជាតិ ប្រកួតផ្ដាច់ព្រ័ត្រ ឈ្នះអ្នកប្រដាល់ សេង សាយ មកពីខេត្តកែប ដោយអាជ្ញាកណ្ដាល បញ្ឈប់នៅទឹកទី២ ។
ទូច ដេវីដ ក្រសួងការពារជាតិប្រកួតផ្ដាច់ព្រ័ត្រ ក្នុងប្រភេទទម្ងន់ ៦០ គីឡូក្រាម ប្រកួតផ្ដាច់ព្រ័ត្រ ឈ្នះអ្នកប្រដាល់ ម៉ាង សាម៉េត ក្រសួងមហាផ្ទៃដោយពិន្ទុ។ ទម្ងន់៦៣,៥០ គីឡូក្រាម អ្នកប្រដាល់ វ៉ែន រដ្ឋា ក្លិបប្រដាល់ក្រសួងសេដ្ឋកិច្ច និងហិរញ្ញវត្ថុ ប្រកួតផ្ដាច់ព្រ័ត្រ ជាមួយអ្នកប្រដាល់ តាំ តឺត របស់ក្រសួងការពារជាតិ ចុះចាញ់ នៅក្នុងទឹកទី១ ។
ទម្ងន់ ៦៧ គីឡូក្រាម ផល សុភ័ក្រ ក្លិបក្រសួងមហាផ្ទៃ ប្រកួតផ្ដាច់ព្រ័ត្រ ឈ្នះ សែម កក្កដា
មកពីខេត្តកែប នៅទឹកទី១។ ទម្ងន់ ៧១ គីឡូក្រាមហ៊ុន គឹមហៀង មកពីខេត្តកែប ប្រកួតផ្ដាច់ព្រ័ត្រ ចាញ់ គឹម វាសនា ក្រសួងការពារជាតិ ដោយពិន្ទុ។ ចំពោះទម្ងន់ ៧៥ គីឡូក្រាម អ្នកប្រដាល់ម៉ៅ វិឆ័យ ក្លិបក្រសួងការពារជាតិ ប្រកួតផ្ដាច់ព្រ័ត្រឈ្នះ ញ៉ឹក ឈៀង ក្រសួងសេដ្ឋកិច្ច និងហិរញ្ញវត្ថុ ដោយពិន្ទុ ៕ V / N
