Views: 1
ដោយៈចាន់តូ/ភ្នំពេញ: បុរសម្នាក់បានស្លាប់ខណៈជិះម៉ូតូក្រោមដំណក់ទឹកភ្លៀង ក៏ត្រូវរថយន្តមិនស្គាល់ម៉ាកបុកនិង កិនពីលើបណ្ដាលឲ្យស្លាប់ កាលពីវេលាម៉ោង១០យប់ ថ្ងៃទី១២ ខែមិថុនា ឆ្នាំ២០២២ ស្ថិតនៅចំណុចមុខក្រុមហ៊ុន ក្រឡុកសុម៉ង់តិ៍មួយកន្លែង ស្ថិតនៅតាមបណ្ដោយផ្លូវជាតិលេខ១ ក្នុងសង្កាត់និរោធ ខណ្ឌច្បារអំពៅ រាជធានីភ្នំពេញ។
តាមប្រភពបានឲ្យដឹងថានៅមុនកើតហេតុជនរងគ្រោះបានជិះម៉ូតូមួយគ្រឿងម៉ាក ហុងដា គុប សេ៥០ ពណ៌ទឹកប៊ិច ក្រម៉ៅ ពាក់ស្លាកលេខ ផ០៧៤២ ភព១ បានធ្វើដំណើរតាមបណ្ដោយផ្លូវជាតិលេខ១ ទិសដៅពីកើតទៅលិច ក្រោមដំណក់ទឹកភ្លៀងរលឹម ខណៈពេលដែលធ្វើដំណើរមកដល់ចំណុចកើតហេតុ ក៏ស្រាប់តែត្រូវរថយន្ត មិនស្គាល់ម៉ាកមួយគ្រឿងជិះមកពីក្រោយ ស្របទិសដៅគ្នា កៀរម៉ូតូ បណ្ដាលឲ្យដួលចូលក្រោមកង់រថយន្ត កិនពីលើឮបែកក្បាលស្លាប់ភ្លាមៗក្នុងថ្លុកឈាមតែម្តង។ ភ្លាមនោះរថយន្តបង្កបានបន្ថែមល្បឿនជិះរត់គេចបាត់។
ក្រោយពេលកើតហេតុសមត្ថកិច្ចជំនាញចុះមកវាស់វែងយកម៉ូតូជនរងគ្រោះទៅរក្សានៅការិយាល័យចរាចរណ៍ផ្លូវគោក ដើម្បីស្រាវជ្រាវរកថយន្តបង្ក។ ចំណែកសពសមត្ថកិច្ចបានប្រគល់ឲ្យក្រុមគ្រួសារយកទៅធ្វើបុណ្យតាមប្រពៃណី៕
