Views: 1
ដោយៈ សុផល / ភ្នំពេញ: ក្នុងកម្មវិធី MPWT LIVE SHOW ក្រោមប្រធានបទ ” ការប្រើប្រាស់យានយន្ត អគ្គិសនីនៅកម្ពុជា កាលពីពេលថ្មីៗនេះ ” លោកទេសរដ្ឋមន្ត្រី ស៊ុន ចាន់ថុល រដ្ឋមន្ត្រីក្រសួងសាធារណការ និងដឹកជញ្ជូន បានមានប្រសាសន៍ថាៈ ការសាកថ្ម នៅស្ថានីយបញ្ចូលថាមពល គឺត្រូវបង់កំរៃ ព្រោះថា ស្ថានីយ គឺត្រូវការបង់ថ្លៃភ្លើង ទៅអគ្គិសនីកម្ពុជាដែរ ។
លោកទេសរដ្ឋមន្ត្រី បានលើកឡើងថាៈ ចំពោះតម្លៃនោះ បើតាមការគ្រោងទុក ប្រហែលជា ១.៣០០ រៀល នៅក្នុងមួយគីឡូវ៉ាត់ នៅតាមស្ថានីយ។ ដើម្បីធ្វើដំណើរ ក្នុង ១០០ គីឡូម៉ែត្រ យើងប្រហែលត្រូវចំណាយសាកភ្លើង ប្រមាណ ៤ ដុល្លារ ។
លោកបានបន្ថែមថាៈ បើយើងប្រៀបធៀប នៅក្នុងតម្លៃនេះ ទៅនឹងឡានដែលប្រើដោយ ប្រេងឥន្ធនៈ គឺមានតម្លៃថោកជាង ព្រោះឡានធម្មតា អាចចំណាយថវិកា ប្រហែលជាង ១០ ដុល្លារ សម្រាប់ចំងាយផ្លូវ ១០០ គីឡូម៉ែត្រ៕/V