Cambodia

រដ្ឋមន្ត្រី​សុខាភិបាល និង​ក្រសួងយុត្តិធម៌ និង​គណៈកម្មការ​ជំនាញ​រដ្ឋសភា ជជែក​គ្នា​លើ​សេចក្តីព្រាងច្បាប់​ស្តីពី​វិធានការ​ទប់ស្កាត់​ការឆ្លង​រាលដាល​នៃ​ជំងឺ​កូ​វីដ​-១៩

​ដោយៈ​សុផល​/​ភ្នំពេញៈ តំណាង​គណៈកម្មការ​ទាំ​ង​១០​នៃ​រដ្ឋសភា នា​រសៀល​ថ្ងៃទី​៣ ខែមីនា ឆ្នាំ​២០២១​នេះ បាន​ជួប​ជាមួយ​រដ្ឋមន្ត្រី​ក្រសួងសុខាភិបាល និង​រដ្ឋមន្ត្រី​ក្រសួងយុត្តិធម៌ ដើម្បី​ពិភាក្សា​លំអិត​ទាក់ទង​នឹង​សេចក្តីព្រាងច្បាប់​ស្តីពី​វិធានការ​ទប់ស្កាត់​ការឆ្លង​រាលដាល​នៃ​ជំងឺ​កូ​វីដ​-១៩ និង​ជំងឺឆ្លង​កាច​សាហាវ និង​ប្រកបដោយ​គ្រោះថ្នាក់​ធ្ងន់ធ្ងរ​ផ្សេងទៀត​។​

​សេចក្តីព្រាងច្បាប់ ដែលមាន​៦​ជំពូក និង​១៨​មាត្រា​នេះ ត្រូវបាន​គណៈកម្មការ​សុខាភិបាល សង្គមកិច្ច អតីតយុទ្ធជន យុវនីតិសម្បទា ការងារ​បណ្តុះបណ្តាល​វិជ្ជាជីវៈ និង កិច្ចការនារី​នៃ​រដ្ឋសភា​ដឹកនាំ​ដោយ​លោកស្រី ឡោក ខេង ប្រធាន​គណៈកម្មការ សហការ​ជាមួយ​គណៈកម្មការ​នីតិកម្ម និង​យុត្តិធម៌ នៃ​រដ្ឋសភា​ដឹកនាំ​ដោយ លោកស្រី​គ្រួច សំអាន អនុប្រធាន​គណៈកម្មកា​រ និង​មានការ​ចូលរួម​ពី​តំណាង​គណៈកម្មការ​ជំនាញ​ទាំង​១០ ព្រមទាំង សមាជិក​ក្រុមប្រឹក្សា​អ្នកច្បាប់​នៃ​រដ្ឋសភា លើក​យកមក​ប្រជុំ​ពិនិត្យ ពិភាក្សា​លើ​ខ្លឹមសារ​នៃ​សេចក្តីព្រាងច្បាប់​នេះ ឲ្យ​បាន​ស៊ីជម្រៅ ជាមួយ​តំណាង​រាជរដ្ឋាភិបាល​ដឹកនាំ​ដោយ​លោក ម៉ម ប៊ុនហេង រដ្ឋមន្ត្រី​ក្រសួងសុខាភិបាល និង​លោក កើត រឹទ្ធ រដ្ឋមន្ត្រី​ក្រសួងយុត្តិធម៌ និង​សហការី នា​រសៀល​ថ្ងៃទី​៣ ខែមីនា ឆ្នាំ​២០២១ នៅ​វិមាន​រដ្ឋសភា​។​

​សូមជម្រាបថា​៖​សេចក្តីព្រាងច្បាប់​នេះ ត្រូវបាន​គណៈកម្មាធិកា​រ​អចិន្ត្រៃយ៍​នៃ​រដ្ឋសភា​ប្រគល់​ភារកិច្ច​ជូន និង​បាន​ប្រជុំ​ផ្ទៃក្នុង​គណៈកម្មការ​យ៉ាង​ម៉ត់ចត់​រួចមក ទើប​យកមក​ប្រជុំ​ជាមួយ​តំណាង​រាជរដ្ឋាភិបាល​នាពេលនេះ​៕​

Football news:

Neymar: I owe Mbappe the adaptation in France and the joy of being here
Joao Felix was injured again. He will miss 10 days
The Bundesliga said goodbye to Monday's matches with Hoffenheim and Bayer zeros. Their cancellation was sought by fans
Mino Raiola: Borussia do not want to sell Holand in the summer. I respect this position, but this does not mean that I agree with it
Alexander Golovin: I enjoy giving such programs. This is my job
West Brom have scored 8 goals in their last 2 matches. For the previous 10 games, only 6 goals were scored
VAR did not count West Brom's goal for offside. Although the author of the goal was probably in the right position