Views: 4
ដោយៈភ្នំដែក/ព្រះវិហារ៖ លោក គីម រិទ្ធី អភិបាលខេត្តព្រះវិហារកាលពីព្រឹកថ្ងៃទី៣ខែតុលាឆ្នាំ២០២២បាន អញ្ជើញដឹកនាំកិច្ចប្រជុំគណៈកម្មាធិការគ្រប់គ្រងដីរដ្ឋថ្នាក់ខេត្តដោយមានការចូលរួមពីមន្ត្រីមន្ទីរ-អង្គភាពពាក់ព័ន្ធចំណុះរដ្ឋបាលសាលាខេត្តមេឃុំនិងមេភូមិ។ក្នុងកិច្ចប្រជុំនេះលោកអភិបាលខេត្តបានស្នើដល់សមាជិកគណៈកម្មាធិការគ្រប់គ្រងដីរដ្ឋទាំងអស់ត្រូវពិភាក្សារកដំណោះស្រាយពីបញ្ហាប្រឈមនានាដែលកើតមានឡើងនាពេលកន្លងមកឱ្យទទួលបានលទ្ធផលកាន់តែល្អប្រសើរ។
កិច្ចប្រជុំបានពិនិត្យលើការចុះពិនិត្យទីតាំងសម្រាប់គម្រោងបែងចែកដីដើម្បី សង្គមកិច្ចនិងការអភិវឌ្ឍសេដ្ឋកិច្ច ដំណាក់កាលទី៣ ស្ថិតនៅភូមិស្វាយ និងភូមិរំដោះស្រែ ឃុំរំដោះស្រែស្រុកជាំក្សាន្ត។ពិភាក្សាទៅលើករណី ប្រជាពលរដ្ឋសុំកាត់ឆ្វៀលដី ស្ថិតនៅក្នុងតំបន់កូនភ្នំ ភូមិភារកិច្ច សង្កាត់ប៉ាលហាល ក្រុងព្រះវិហារ។
ជាមួយនោះបែងចែកដីចំនួន ៨៦ហិកតា ស្ថិតនៅក្នុងតំបន់កូនភ្នំ ភូមិភារកិច្ច សង្កាត់ប៉ាលហាល ក្រុងព្រះវិហារ ព្រមទាំងពិភាក្សារបាយការណ៍ស្តីពី ការបែងចែកដីអាកាសយានដ្ឋានស្ថិតនៅភូមិហ្មសែត សង្កាត់ប៉ាលហាល ក្រុងព្រះវិហារ ។
លោកអភិបាលខេត្តក្នុងនាមប្រធានគណៈកម្មាធិការគ្រប់គ្រងដីរដ្ឋថ្នាក់ខេត្ត បាន ស្នើឱ្យអាជ្ញាធរក្រុង-ស្រុកត្រូវគ្រប់គ្រង និងការពារដីរដ្ឋ ឱ្យមានប្រសិទ្ធភាពខ្ពស់ ។ពិសេស មន្ទីរជំនាញ ត្រូវសហការជាមួយអាជ្ញាធរក្រុង-ស្រុក និងអ្នកពាក់ព័ន្ធបន្ថែមទៀត៕សរន / N
