Cambodia

រដ្ឋបាលខេត្ត​កំពង់ឆ្នាំង ដង្ហែ​សំពៅ​មាស ប្រាក់ និង​សំពៅ​ទេព​និមិត្ត បណ្តែត​សែន​ជូន​ដូនតា​

ចែករម្លែក

ដោយ​៖ ទេ​ពក​ង្រី /
​កំពង់ឆ្នាំង​៖
រដ្ឋបាលខេត្ត​កំពង់ឆ្នាំង បាន​ប្រារព្ធ​ពិធី​ដង្ហែ សំពៅ​មាស សំពៅ​ប្រាក់ និង​សំពៅ​ទេព​និមិត្ត របស់​រដ្ឋបាលខេត្ត និង សំពៅ​ទេព​និមិត្ត របស់​ព្រះគ្រូ ឆន ឆុង ព្រះ​អនុគណ​ស្តីទី ក្រុង​កំពង់ឆ្នាំង យកទៅ​បណ្តែត សែន​ជូន​ដូនតា នៅ​មាត់ទន្លេ ផែ​ដើម​ពោធិ៍ ផ្សារ​ក្រោម វិលត្រឡប់​ទៅ​ស្រុក​វិញ ក្រោយពី​បញ្ចប់​ពិធីបុណ្យ​ភ្ជុំបិណ្ឌ រយៈពេល ១៥ ថ្ងៃ​រួចមក ។​

​ពិធី​នេះ បាន​ប្រព្រឹត្តទៅ នៅ​រសៀល ថ្ងៃទី​១៨ ខែកញ្ញា ឆ្នាំ​២០២០ ក្រោម​អធិបតីភាព លោក ឡុង ឈុន​ឡៃ ប្រធាន​ក្រុមប្រឹក្សា ខេត្តកំពង់ឆ្នាំង លោក ឈួ ច័ន្ទ​ឌឿ​ន អភិបាល​នៃ​គណៈ​អភិបាល ខេត្តកំពង់ឆ្នាំង និង​លោកស្រី ឈឹម ស្រីមុំ ។​

​ពិធីបុណ្យ​សែន ជូន​ដំណើរ​ដូនតា ក្រោយ​បញ្ចប់​ថ្ងៃបុណ្យ​ភ្ជុំបិណ្ឌ​នេះ ត្រូវបាន​រដ្ឋបាលខេត្ត​កំពង់ឆ្នាំង ប្រារព្វ​ធ្វើឡើង រយៈពេល ២ ថ្ងៃ គឺ​ចាប់​រសៀល​ថ្ងៃ​១៥ រោច ខែភទ្របទ ជា​ថ្ងៃទី​១ គឹ​ជួបជុំ​ថ្នាក់ដឹកនាំ មន្ត្រីរាជការ និង ប្រជាពលរដ្ឋ ធ្វើ​ពិធីសូត្រមន្ត​ចម្រើន​ព្រះ​បរិត្ត ចម្រើន​សិរី​សួស្តី​ជ័យ​មង្គល និង បួងសួង​ដល់​បារមី​ស័ក្តិ​សិទ្ធ នៅ​ទូទាំង​ខេត្ត ជា​ពិ​សេ​លោកយាយ​ទេព ដើម្បី​សុំ​សេចក្តីសុខ សេចក្តីចម្រើន ដល់​មន្ត្រីរាជការ កងកំលាំងប្រដាប់អាវុធ និង ប្រជាពលរដ្ឋ នៅ​ទូទាំង​ខេត្ត ដើម្បី​រួមគ្នា​អភិវឌ្ឍន៍ ខេត្តកំពង់ឆ្នាំង និង​លើក​កំពស់​កំរិតជីវភាព រស់នៅ​របស់​ប្រជាពលរដ្ឋ កាន់តែ​មាន​ភាព​ធូរធារ ថែម​មួយកំរិត​ទៀត​។

​លុះដល់​ថ្ងៃ​១ កើត​ខែអស្សុជ ដែលជា​ថ្ងៃទី​២ នៅពេល​រសៀល លោក ឡុង ឈុន​ឡៃ ប្រធាន​ក្រុមប្រឹក្សា​ខេត្ត និង​លោក ឈួ​រ ច័ន្ទ​ឌឿ​ន អភិបាល នៃ​គណៈ​អភិបាល ខេត្តកំពង់ឆ្នាំង និង លោកស្រី រួម​នឹង​អភិបាលរង​ខេត្ត ព្រមទាំង​មានការ​ចូលរួម ពី​សំណាក់​អស់លោក លោកស្រី ដែលជា​សមាជិក សមាជិក​កា ក្រុមប្រឹក្សា​ខេត្ត ប្រធាន អនុប្រធាន មន្ទីរ​អង្គ​ភា​ជុំវិញ​ខេត្ត អាជ្ញាធរ​ក្រុង ថ្នាក់ដឹកនាំ​សង្កាត់​
​ទាំង​៤ និង ប្រជាពលរដ្ឋ បានរៀបចំ​ពិធី​ដង្ហែ​សំពៅ និង​បណ្តែត​សំពៅ​មាស សំពៅ​ប្រាក់ និង សំពៅ​ទេព​និមិត្ត ដែល​ធ្វើ​ពិធី​ដង្ហែ ចេញពី​អាសនៈ​លោកយាយ​ទេព ស្ថិតក្នុង​វត្ត​ទេពធីតា​រាម ហៅ​វត្ត​យាយ​ទេព ឆ្ពោះទៅ​មាត់ទន្លេ ផែ​ដើម​ពោធិ៍​ផ្សារ​ក្រោម ទល់មុខ​ភ្នំ​នាង​ក​ង្រី​។​

​ពិធី​សែន​ជូន​ដំណើរ​ដូនតា ជា​ពិធី​មួយ​ដែល​ប្រជាពលរដ្ឋ តែងតែបាន​ធ្វើឡើង នៅ​ថ្ងៃ​បញ្ចប់ នៃ​ពិធីបុណ្យ​ភ្ជុំបិណ្ឌ រយៈពេល​១៥​ថ្ងៃ ប្រជាពលរដ្ឋ​ខ្មែរ មិនដែល​បំភ្លេច​ទេ នូវ​ពិធី​សែន​ជូន​ដំណើរ ជីដូន​ជីតា​នេះ​។ នៅក្នុង​ពិធី​នេះ ប្រជាពលរដ្ឋ បាន​ធ្វើជា​កន្ទោង ឬ​កាត់​ស្រទបចេក ចង​ក្បាល និង​កន្ទុយ ធ្វើជា​ទូក ដែលមាន​ដាក់​សំណែន ដូចជា ប្រហុក ផ្អក អំបិល អង្ករ សណ្តែក ល្ងរ លុយ និង​គ្រឿង​សំណែន​ផ្សេងៗ​ទៀត ដែល​ដាក់​ជា​កញ្ចប់​តូចៗ និង​មាន​ដុត​ទៀន ធូប​ភ្ជាប់​ជាមួយ​ការ​បួងសួង​ផងដែរ​។​

​បើទោះបីជា​ពិធី​នេះ គេ​សង្កេតឃើញ ប្រជាពលរដ្ឋ តាម​ស្រុកភូមិ​នីមួយៗ​បានធ្វើ​ឡើង ស្ទើរ​គ្រប់​ទីកន្លែង​ក៏ដោយ ប៉ុន្តែ​ពិធី​នេះ មិនមែនជា​ពិធី​របស់ ព្រះពុទ្ធសាសនា​ទេ ហើយក៏​មិនមាន​ចែង នៅក្នុង​តម្រា ឬ​ព្រះ​ត្រៃបិដក​ដែរ​។​

​ជា​រៀងរាល់ឆ្នាំ គឺ​មួយថ្ងៃ​បន្ទាប់ពី ពិធី​ឆ្លងបុណ្យ​ភ្ជុំបិណ្ឌ គេ​តែងតែ​សង្កេតឃើញ ប្រារព្ធ​ធ្វើ ពិធី​ជូន​ដំណើរ​ដូនតា មាតាបិតា ញាតិ​ការ ទាំង ៧ សន្តាន ទៅកាន់​បរម​ស្ថាន របស់​ពួកគាត់​វិញ បន្ទាប់ពី​បានធ្វើ​ដំណើរ​មកកាន់ ឋានកណ្តាល​យើង​នេះ ដើម្បី​ទទួលយក អាហារ​ចំណី ដែល កូនចៅ ធ្វើបុណ្យ​ឧទ្ទិស​ជូន នៅក្នុង​រដូវ​បុណ្យកាន់បិណ្ឌ ភ្ជុំបិណ្ឌ រយៈពេល ១៥ ថ្ងៃ ពីថ្ងៃ​១ រោច ដល់​ថ្ងៃ ១៥ រោច ខែភទ្របទ ។​

​សូមបញ្ជាក់ថា ពិធី​ជូន​ដំណើរ​ដូនតា​នេះ រដ្ឋបាលខេត្ត​កំពង់ឆ្នាំង ក្រោម​ការដឹកនាំ​របស់ លោក ឈួ​រ ច័ន្ទ​ឌឿ​ន ជា​អភិបាល នៃ​គណៈ​អភិបាល ខេត្តកំពង់ឆ្នាំង តែងតែបាន​ប្រារព្វ​ធ្វើឡើង ជា​រៀងរាល់ឆ្នាំ ពុំដែល​អាក់ខាន​ឡើយ ដើម្បី​ឧទ្ទិស​កុសលផល​បុណ្យ ជូន​ដល់​បុព្វ​ការ​រី​ជន ដែល​បាន​ចែក​ឋាន ទៅហើយនោះ មក​ទទួល​មគ្គផល​ទាំងនេះ ងាកក្រោយ​ឲ្យ​ពរជ័យ ដល់​ថ្នាក់ដឹកនាំ មន្ត្រីរាជការ គ្រប់លំដាប់​ថ្នាក់ និង ប្រជាពលរដ្ឋ ទទួលបាន​នូវ សេចក្តីសុខ​សេចក្តីចម្រើន ជា​រៀងរហូត​ទៅ ហើយក៍​មានការ​បាញ់​កាំជ្រួច ជាការ​ជូន​ដំណើរ​ដូនតា ត្រឡប់​ទៅ​ស្រុក​វិញ​ផងដែរ ៕​/V

ទីតាំងផ្សាយពាណិជ្ជកម្ម

Football news:

Ronald Koeman: I hope Cristiano will play. The best players should be on the pitch
The 25% black and Asian rate for new club employees is set out in the FA diversity Code
Muller is playing his 545th game for Bayern. More than only two players since 1965
Manuel Pellegrini: Real Madrid scored 96 points and 102 goals in my time, although Ronaldo missed 3 months
Juventus and Barcelona won their first group matches. Who will win in Turin?
Andrea Pirlo: we need to wait for the Ronaldo test. I think we will find out today if he will play
Danilo about the match with Barcelona: Juventus on the right track