Cambodia

សែលកាត សហការជាមួយហាងលក់ទំនិញអនឡាញ ដោយការបញ្ចុះតម្លៃ និងដឹកជញ្ជូនឆាប់រហ័សនៅក្នុងតំបន់ក្រហម

ភ្នំពេញ៖ក្រុមហ៊ុនសែលកាត ដែលជាសម្ព័ន្ធរបស់ក្រុមហ៊ុនរ៉ូយ៉ាល់គ្រុប បានសហការជាមួយ Smile Shop ដើម្បីផ្តល់ជូនអតិថិជនដែលកំពុងរស់នៅក្នុងតំបន់ក្រហម នូវការបញ្ចុះតម្លៃលើទំនិញប្រើប្រាស់ប្រចាំថ្ងៃសំខាន់ៗ រួមជាមួយនឹងការដឹកជញ្ជូនដល់ទីកន្លែង។

ក្នុងនាមជាប្រតិបត្តិករមួយក្នុងចំណោមប្រតិបត្តិករជាច្រើនទៀត ដែលទទួលបានការអនុញ្ញាតឱ្យចែកចាយទំនិញនៅក្នុងតំបន់ក្រហមដែលជាតំបន់មានការរឹតបន្តឹងខ្លាំង Smile Shop ដែលជាហាងពាណិជ្ជកម្មអនឡាញឈានមុខគេនៅកម្ពុជា បានផ្តល់នូវសេវាចែកចាយទំនិញសំខាន់ៗជូនដល់គ្រួសារប្រជាពលរដ្ឋជាច្រើន ដែលកំពុងជួបការលំបាក។

ឥឡូវនេះ ក្រុមហ៊ុនសែលកាត បានចូលរួមសហការជាមួយសេវាកម្មអនឡាញនេះ ដើម្បីផ្តល់ជូនដល់អតិថិជននូវអាទិភាពសម្រាប់ការដឹកជញ្ជូនទំនិញជាច្រើនមុខ ពោលគឺអនុញ្ញាតឱ្យប្រជាពលរដ្ឋទទួលបាននូវស្បៀងអាហារ និងរបស់របរប្រើប្រាស់ផ្សេងៗទៀត បានឆាប់រហ័ស និងដឹកជញ្ជូនទៅដល់គេហដ្ឋានរបស់ពួកគេផ្ទាល់តែម្តង។ សម្រាប់ការបញ្ជាទិញចាប់ពី ២៥ដុល្លារឡើងទៅ អតិថិជនសែលកាត ក៏នឹងទទួលបានប្រាក់ត្រឡប់មកវិញចំនួន ៥ដុល្លារផងដែរ។

លោក អៀន វ៉ាតសុន (Ian Watson) នាយកប្រតិបត្តិក្រុមហ៊ុនសែលកាត បានមានប្រសាសន៍ថា ការធ្វើបែបនេះនឹងអាចជួយសម្រួលដល់ក្រុមគ្រួសារ ដែលកំពុងទទួលរងនូវផលប៉ះពាល់ខ្លាំង ក្នុងអំឡុងពេលនៃការបិទខ្ទប់នេះ។

លោកបានបន្ថែមថា“ក្នុងនាមជាក្រុមហ៊ុនទូរគមនាគមន៍ ដែលគ្រប់គ្រងដោយជនជាតិខ្មែរ 100ភាគរយ វាគឺជាទំនួលខុសត្រូវរបស់ពួកយើង ក្នុងការជួយដល់អតិថិជន តាមដែលពួកយើងអាចធ្វើទៅបាន។ យើងពិតយល់ច្បាស់ថា នេះគឺជាពេលវេលាដ៏លំបាកបំផុតសម្រាប់ក្រុមគ្រួសារដែលកំពុងរស់នៅក្នុងតំបន់ទាំងនេះ ដូច្នេះការទទួលបាននូវស្បៀងអាហារ និងរបស់របរប្រើប្រាស់ចាំបាច់ផ្សេងៗទៀតដោយឥតមានការរាំងស្ទះ គឺចាំបាច់ខ្លាំងណាស់”។

លោកបានប្រាប់ផងថា“Smile Shop បានជួយផ្តល់នូវសេវាកម្មដ៏ចាំបាច់ជូនដល់ប្រជាពលរដ្ឋកម្ពុជាជាច្រើនរូប ហើយពួកយើងពិតជារីករាយបំផុត ដែលបានចូលរួមជាដៃគូជាមួយពួកគេ ក្នុងការផ្តល់ជូនដល់អតិថិជនរបស់យើង នូវសេវាដឹកជញ្ជូនឆាប់រហ័ស និងការបញ្ចុះតម្លៃទៅលើទំនិញជាច្រើនមុខ ក្នុងពេលដែលពួកគាត់កំពុងត្រូវការសេវាបែបនេះខ្លាំងបំផុត”។

គួរបញ្ជាក់ថាSmile Shop ក៏មានផ្តល់ជូននូវកញ្ចប់ស្បៀងអាហារ ដែលអាចស្វែងរកបាននៅលើហាងអនឡាញរបស់ក្រសួងពាណិជ្ជកម្ម ក្នុងតម្លៃមួយដែលបានកំណត់យ៉ាងសមរម្យបំផុត។ កម្មវិធីទូរស័ព្ទនេះ អាចទាញយកមកប្រើប្រាស់បានតាមរយៈ Google Play និង Apple Store។

នេះគឺជាវិធានការណ៍ចុងក្រោយបំផុតរបស់ក្រុមហ៊ុនសែលកាត ក្នុងការប្តេជ្ញាចិត្តចូលរួមជួយដល់ប្រទេសកម្ពុជា នៅក្នុងអំឡុងពេលនៃការរាតត្បាតដោយជម្ងឺកូវីដនេះ។ ថ្មីៗនេះ សែលកាតបានបញ្ចប់នូវការពង្រីកបណ្តាញចុងក្រោយរបស់ខ្លួនចំនួន១៦៩ទីតាំងទៀត ដើម្បីកែលម្អបណ្តាញគ្របដណ្តប់ និងគុណភាពសេវា នៅតាមតំបន់ក្រហម និងលឿងទុំក្នុងរាជធានីភ្នំពេញ។ ជាងនេះទៅទៀត ក្រុមហ៊ុនក៏បានសហការជាមួយក្រសួងពាណិជ្ជកម្ម ដើម្បីផ្តល់ជូននូវសេវាទូរស័ព្ទបន្ទាន់ដោយឥតគិតថ្លៃ ដើម្បីជួយសម្របសម្រួលដល់ការដឹកជញ្ជូនស្បៀងអាហារជាបន្ទាន់ ដល់ក្រុមគ្រួសារដែលកំពុងរស់នៅក្នុងតំបន់ក្រហមផងដែរ៕

ទីតាំងផ្សាយពាណិជ្ជកម្ម

Football news:

FIFA for homophobic chants of fans punished the national team of Mexico with the closure of the stands and a monetary fine
Afellay on Messi: He often vomited in the toilet right before going on the pitch - so strong was the pressure
Real Madrid likes Pau Torres, but the transfer of the Villarreal defender is more likely in the summer of 2022
Lovren on hitting Chic in the Face: Funny penalty
Bayern is Interested in Dumfries, his compensation is 15 million euros. Defender scored 2 goals at the Euro
The Italian coach of the Hungarians translated and learned the anthem - to understand the nation! This country saved his career (almost became an accountant)
Kane on 0-0 with Scotland: Tough game, they defended very well. This is the Euro, there are no easy matches here