Views: 1
ប្រែសម្រួល : កញ្ញាដាលីស (ដេល្លីម៉េល) ៖ សភាស៊ុយអែតបានបោះឆ្នោតកាលពីថ្ងៃពុធទី២២មីនាក្នុងការយល់ព្រមចូលរួមជាមួយអង្គការណាតូបើទោះបីជាមានការពន្យារពេលដោយប្រទេសហុងគ្រីនិងតួកគីក្នុងការផ្តល់សច្ចាប័នលើការប្រឹងប្រែងសុំចូលជាសមាជិកភាពរបស់ខ្លួន ដែលទំនងជានឹងនាំឱ្យស៊ុយអែតចូលរួមក្រោយហ្វាំងឡង់ក៏ដោយ។
ការបោះឆ្នោត ដែលបានត្រួសត្រាយផ្លូវសម្រាប់ការចូលជាសមាជិកណាតូពីសំណាក់ស៊ុយអែតនិងផ្តល់នូវក្របខណ្ឌច្បាប់ចាំបាច់នោះ បានអនុម័តដោយសំឡេងគាំទ្រ ២៦៩ និង ប្រឆាំង ៣៧ដោយសមាជិកសភាចំនួន ៤៣ នាក់ទៀតមិនបានចូលរួមនៅក្នុងសភាដែលមាន ៣៤៩ អាសនៈរបស់ស៊ុយអែតនោះទេ។
រដ្ឋមន្ត្រីការបរទេស លោក ថូបៀស ប៊ីលស្ត្រូម (Tobias Billstrom) បានប្រាប់សភាក្នុងអំឡុងការជជែកដេញដោលមុនការបោះឆ្នោតថា”សមាជិកភាពរបស់អង្គការណាតូគឺជាមធ្យោបាយដ៏ល្អបំផុតដើម្បីការពារសន្តិសុខរបស់ស៊ុយអែត និងដើម្បីរួមចំណែកក្នុងសាមគ្គីភាពដល់សន្តិសុខនៃតំបន់អឺរ៉ូ-អាត្លង់ទិក”។
ស៊ុយអែតនិងហ្វាំងឡង់បានទម្លាក់គោលនយោបាយមិនចូលបក្សសម្ពន្ធរយៈពេលជាច្រើនទសវត្សរ៍របស់ពួកគេ ហើយបានដាក់ពាក្យសុំចូលណាតូកាលពីខែឧសភាកន្លងទៅបន្ទាប់ពីមានការឈ្លានពានដោយរដ្ឋាភិបាលក្រុងមូស្គូលើអ៊ុយក្រែន។
ប៉ុន្តែស៊ុយអែតមានជម្លោះការទូតជាច្រើនជាមួយសមាជិកណាតូ តួកគី ដែលបានពន្យារការស្នើសុំចូលសមាជិកភាព និងឱកាសនៃការចូលរួមក្នុងពេលតែមួយជាមួយហ្វាំងឡង់។
តួកគីនិងហុងគ្រីគឺជាប្រទេសតែពីរប៉ុណ្ណោះរបស់ណាតូ ដែលមិនទាន់ផ្តល់សច្ចាប័នលើការសុំចូលរបស់ប្រទេសតំបន់ន័រឌីកទាំងពីរដែលទាមទារឱ្យមានការផ្តល់សច្ចាប័នជាឯកច្ឆ័ន្ទដោយសមាជិកទាំង៣០។
បន្ទាប់ពីការពន្យារពេលជាច្រើនខែ ប្រធានាធិបតីតួកគី លោក រីស៊ីប ថាយយីប អឺដូហ្គាន (Recep Tayyip Erdogan) បានប្រកាសកាលពីសប្តាហ៍មុនថាលោកកំពុងស្នើឱ្យសភាបោះឆ្នោតលើការស្នើសុំរបស់ហ្វាំងឡង់ដើម្បីចូលរួមក្នុងប្លុកការពារជាតិរបស់អង្គការណាតូ។
លោកបាននិយាយថា លោកនៅតែមិនទាន់ត្រៀមខ្លួនដើម្បីឆ្ពោះឱ្យស៊ុយអែតទេ៕
រដ្ឋមន្ត្រីការបរទេស លោក ថូបៀស ប៊ីលស្ត្រូម
